12 Bad Boys 2: Unremembered

42 - Wedding Day

Ngayong araw na magaganap ang kasalang pinakahihintay ng lahat.

Matagal tagal at maraming araw din itong pinaghanda nila, lalong lalo na sina Brian at Jed. Mapapansing ngayon pa lang ay napakasaya na ng dalawa, sa wakas ay dumating na ang araw na kanilang pinakahihintay.. wala silang ibang hinangad kundi ang maging perpekto at masaya ang araw na ito.

May mga family and friends nang nagsisidatingan sa simbahan, habang nasa hotel pa ang bride at groom kasa kasama ang mga importanteng tao sa buhay nila.

Mapapansing napaka busy kahit saan ka mang magpunta.

Kanya kanyang pagpapaganda naman ang mga bridesmaids at isa nga doon sina Meyrin at Tiffany, habang kasa-kasama naman ng bride ang magkakaibigang sina Ellie, Barbie. Yani at Michelle. Samantalang kasa-kasama naman ng groom ang labing-isang best friends niya. Maingay sa loob ng kwarto ni Brian, lalo na't magkakasama silang labing-dalawa, masayang masaya naman ang groom.. wala na siyang mahihingi pa, makita lamang niyang nandito ang mga kaibigan niya para sa kanya, kontento na ito.

" Wow! Lalo akong gumwapo! " Pagpapapogi ni Chen sa harapan ng salamin.

Napapailing na lamang ang mga ibang kaibigang nakarinig sa kanya. " We are all handsome! " Dagdag ni Sun na hindi kayang sumangayong si Chen lamang ang gumwapo sa kanila.

" I know bunso.. gwapo na tayong lahat—pero 'mas' na ako. Okay? Mwahaha! " Chen.

" Gwapo pala ha? " Mabilis namang ginulo ni Charlie ang maayos na buhok ni Chen kaya mas lalong umingay sa loob ng kwarto. " Aaaaaaaaaaa!! Shit!! " 'di makapaniwala si Chen na sira na ulit ang buhok niya na kanina pa niyang inaayos ayos.

Napansin ni Kris na hindi maayos ang pagkakalagay ng necktie ni Timmy kaya nilapitan niya ito at inayos.

" Tsk. Grow up. " Mahinang sabi ni Kris habang inaayos ang necktie ng kaibigan.

Napapangiti si Timmy sa ginagawa nito sa kanya.. napansin naman iyon nila Sun, Lay at Kai.

" Kris, ayos na ba ang pagkakalagay ko? " Nagulat si Kris nung tanungin siya ni Kai.

" Yah. " Napapatangong sabi ni Kris.

Hindi rin mapigilan ni Mike ang mapangiti, masaya siyang kompleto na sila lalo na't napakaimportante ng araw na ito.

Pinapanood lamang niya ang mga kaibigan niya—maiingay, magulo, may mga nagbabangayan at syempre ang nagiisang taong pinakamasaya ngayong araw, si Brian! Pinagdadasal ni Mike na sana'y magiging mabait itong asawa at ama. 

" I hope you'll always be happy, and I'm proud of you lil' bro. "

Pagkatapos sabihin ni Mike iyon kaagad namang napalingon si Brian sa kanya at napangiti ito.

Lumapit si Brian sa kaibigan nito. " Mike, thank you so much.. kahit makulit ako.. matigas ang ulo and syempre sobrang gwapo hahaha—ehem.. natitiis mo pa rin ako, alam kong binigyan kita ng malaking problema nung malaman niyong nabuntis ko si Jed.. 'ano na lang ang mukhang maihaharap ko sa parents ni Brian' pero hinarap mo parin sila.. nagpaliwanag ka kahit na ako dapat ang unang una na gumawa non. Lagi ka na lang namin binibigyan ng problema, but you're still here.. hindi mo kami iniiwan. Ikaw talaga ang una unang taong pasasalamatan ko. "