MAYWARD fanfic: Lihim (completed)

Lihim 3: Chapter 10- Conde..

Someone's POV

"Bumubuti na raw ang kalagayan niya."

"Ngayon?" Tinatamad kong sabi.

"Hindi ka ba nababahala?"

"Ang dali lang naman ng solusyon diyan. Para namang di ka nanunuod ng mga pelikula.." nakangising sabi ko rito.

Napangisi din ito.

"Kamusta kayo ni baby?"

Tinapik ko agad ang kamay nito ng balakin nitong hawakan ang tiyan ko.

"Bakit ba?! Akin naman iyan!"

"Sinong may sabing sayo ito?" Galit kong sabi dito.

Namula ang mukha nito.

"Sa'min ito ni Ed.."

"Akin 'yan.." sabi nito bago ako talikuran at maglakad paalis.

"Ikaw na ang bahala kay Luke.. alam mo na ang gagawin.." malakas na sigaw ko dito.

Maymay's POV

"Conde?! Oh my ghad! Teka..teka.." nanlalaking mata na sigaw ko ng makitang kong gumalaw at nagmulat ito ng mga mata.

Agad akong tumakbo palabas para magtawag ng doktor at nars sa labas. Dali-daling pumasok ang mga ito sa loob at naiwan akong humahabol sa mga ito pabalik rin sa loob ng kwarto ni Conde.

Tinawagan ko agad ang mga magulang ni Conde para ibalita ang nangyayari. Ako kasi ang nagbabantay ngayon sa kaibigan ko.

Nakikita kong kung anu-anong pagsusuri ang ginagawa sa kaibigan ko.

"This is good sign.." nakangiting sabi ng doktor.

Kung anu-ano pa sinabi ng doktor hanggang dumating ang pamilya ni Conde. Marami pa kaming napag-usapan na may kinalaman sa bumubuting kalagayan ng kaibigan ko.

"Hija umuwi ka muna, kami ng bahala sa anak namin. Sige ka baka hindi ka na ipahiram sa'min ng asawa ko." sabi sa'kin ng ina ni Conde.

Nakangiting umiling ako dito. "Hindi po, okay lang po."

Hindi lingid sa kaalaman ng mga ito ang nangyari sa'min ni Edwardo at sa pagkawala ng anak namin. Pinapayuhan ako ng mga ito bukod sa pamilya ko, kaya hanggang ngayon magkasama pa rin kami ni Edwardo. Sobra ang galit ng pamilya ko kay Edwardo ng malaman nila ang nangyari sa'min. Nagpaliwanag si Edwardo sa harap ng pamilya ko, ikwenento nito ang mga nangyari nung hinatid nito si Amaya. Malaki ang galit ng pamilya ko kay Amaya. Pati ako pinagalitan ng mga ito. Bakit daw ako nag-alaga ng ahas. Ilang beses nagpaliwanag si Edwardo sa pamilya ko. Maging amg pamilya nito galit na galit din sa mga nangyari.

Nanatili akong nagbantay sa hospital hanggang sa makatulugan ko na rin. Nagising ako bigla nang may marinig ako na ingay. Hindi lang simpleng ingay, kundi may nagwawala...

"Sino ba kayo?! Nasaan ako!" Pagwawala nito.

Tatlong tao na ang may hawak dito at isa na doon ang ama nito.

"Hijo, anak huminahon ka.." umiiyak na sabi ng ina ni Conde.

Hindi ko magawang magsalita sa nakikita ko. Bakas sa mukha ng kaibigan na sobra itong nahihirapan.

"Bakit ang tagal ng doktor?!" Sigaw ng ama nito.

Natatarantang lumabas ako para magtawag pa ng aawat sa nagwawala kong kaibigan.

"Huwag niyo akong hawakan!!"sigaw pa rin ni Conde.

Kahit nasa labas ako rinig na rinig ko pa rin ang pagwawala nito.