When Love Strikes Back (JuliElmo Fanfiction) COMPLETE

Chapter 39

Chapter 39 —Confession of Daren

Katatapos lang ng conference meeting ni Elmo kasama ang board para sa launching nila ng new product. Kalalabas lang niya ng conference room nang bigla tawagin ni Daren si Elmo.

“Elmo!” tawag ni Daren habang tumatakbo palapit kay Elmo.

Nilingon naman ni Elmo si Daren. “Uy, Daren...” wika niya nang makita itong palapit sa kanya.

Lumapit na nga sa kanya si Daren. Magkaharap silang dalawa sa harap ng conference room.

“Ano ginagawa mo rito?” tanong ni Elmo.

“Ah, dumaan lang ako to check how’s the preparations for the new product. Malapit na natin i-launch yun, ah?” sagot ni Daren.

“Yeah…" bumuntong hininga si Elmo. "Medyo kulang pa yung researches, eh. I think we have to provide a business trip for the employees para magka-idea sila.”

“I see…”

Nagkaroon ng ilang segundong katahimikan sa pagitan nilang dalawa. Maya-maya ay pinutol din naman ni Daren ang katahimikan na iyon.

“By the way, are you busy? Pwede ba kita ma-invite sa lunch?” tanong ni Daren.

Napa-isip si Elmo. “…uh…”

Tinapik ni Daren si Elmo sa balikat. “Come on, bro! Masyado kang work-a-holic hindi mo na binibigyan yung sarili mo ng time. Mabilis lang naman kumain, ah.”

Nangiti si Elmo. “Oo nga. Tama ka. Sige, let’s have lunch.”

Ngumiti rin si Daren.

May date yung dalawa.

—;—

Kumain sila Daren at Elmo sa isang japanese restaurant. Madalas silang kumain dito noon nung hindi pa sila busy sa mga trabaho nila—kasama si Veronica. Tatlong main dish ang inorder nila—sushi, tempura at katsudon—at tig-isa pa silang fried rice. Hindi naman sila gutom.

“Sayang wala rito si Nica.” sabi ni Daren habang kumakain.

“…Busy yun sa company nila. Umalis si Megan kaya mag-isa siya ngayon sa pagpapatakbo nung business," sagot ni Elmo.

“I see..." sabi ni Daren.

Sumubo ng pagkain si Elmo.

“Onga pala, Moe. Kamusta ang buhay ama, ha?” tanong ni Daren na nakangiti.

Natigilan si Elmo sa pagkain at napatingin kay Daren. Alam niyang kalat na iyon sa office kaya hindi imposibleng malaman din yun ni Daren pero weird pa rin para sa kanya na marinig iyon mula sa kaibigan.

“Ba’t mo naman natanong?” seryosong tanong ni Elmo.

Nagkibit-balikat lang si Daren. “Wala, curious lang.”

Ngumiti si Elmo. “Masaya naman.”

Tumango naman si Daren. “That's good to hear.”

“But Moe, hindi ba na-aawkwardan si Nica? Especially when you go to Julie’s house to visit your daughter? I mean, hindi ba siya nagseselos?” curious na tanong ni Daren.

Pakiramdam ko nasa hot seat ako, ha, naisip ni Elmo.

Umiling si Elmo. “Malawak naman ang understanding ni Nica. So, I don’t think so.”

“Well, yeah…I know na sobrang understanding si Nica. But dude, tao lang din yun. You should understand na kasabay ng pagdalaw mo kay Princess, eh, parang dinadalaw mo na rin yung ina ng anak mo, which I believe, hurts her at some point.”