Chapter 25—Attempts.
Pagpasok pa lang sa opisina ay problemadong-problemado na si Julie kung paano niya aayain si Elmo sa birthday ni Princess.
“Huy!” tawag ni Patricia.
Nilingon naman siya ni Julie.
“Huh?” wika ni Julie.
“Anong huh?” sabi ni Patricia. “Kanina pa ‘ko salita ng salita rito hindi ka naman nakikinig. May problema ba?”
Bumuntong hininga si Julie. “…Pasensya ka na, Patricia…ano kasi…birthday na ni Princess sa Sunday.”
“Talaga?! Ay, exciting! O, eh teka, anong problema? Hindi ka pa nakakapag-handa o sa budget?”
Umiling si Julie. “Hindi yun, e…”
“Eh, ano?”
“Gusto kasi ni Princess na…imbitahan si Elmo.”
“O, anong problema dun? Eh 'di imbitahan mo.”
“Hindi naman yun ganun kadali Patricia, e…”
“Bakit? Tatanungin mo lang naman kung pwede ba siya pumunta sa birthday ni Princess.”
“Patricia…alam mo naman yung issue sa amin, 'di ba? Isa pa, hindi ko alam kung pano ko siya aayain…”
“…Sabagay…eh, ano plano mo ngayon? Alangan namang hindi mo imbitahan si Sir Elmo, eh wish yun nung bata.”
Kumibit-balikat si Julie. “Hindi ko alam…namomroblema talaga ako.”
Bumuntong hininga si Patricia.
Maya-maya ay biglang lumabas si Elmo ng opisina niya—may binigay sa isang empleyado.
“Psst!” tawag ni Patricia kay Julie.
Nilingon naman siya ni Julie.
“Ayan na si sir, o. Dali na! Kausapin mo na.”
Umiling si Julie. “Ayoko. Ang dami-daming tao, alam mo namang iniintriga kami ng mga tao dito.”
“Oh sige, kung ayaw mo, ako na lang.”
“Uy! Wag!” pagpipigil ni Julie.
Ngunit wala rin siyang nagawa.
“Sir Elmo!” tawag ni Patriciakay Elmo.
Nilingon naman siya ni Elmo at sinabi sa kinakausap nito na sandali lang. Lumapit si Elmo sa kanila.
“Why? May problema ba?” tanong ni Elmo kay Patricia.
“Ay, ako po wala. Si Julie po meron.”
Nanlaki ang mata ni Julie kay Patricia.
“Dali na.” bulong ni Patricia.
Nakatitig lang sa kanila si Elmo.
“Uh…ano po kasi…S-si…” paputol-putol na wika ni Julie. Tila ba namimilipot ang dila niya sa sobrang kaba.
Naudlot ang sinasabi ni Julie nang lumapit si Tina kay Elmo.
“Sir, mag-uumpisa na po yung meeting niyo.”
“Ah, okay... sige, wait lang.”
“Julie, may sasabihin ka ba?” tanong ni Elmo.
“Uh…hindi... sige po, sir…tumuloy na kayo sa meeting niyo.”
“O-okay…” nag-aalinlangang tugon ni Elmo. Ano ba problema nun?
At naglakad na nga papalayo si Elmo.
BINABASA MO ANG
When Love Strikes Back (JuliElmo Fanfiction) COMPLETE
FanfictionDating magkasintahan sina Julie at Elmo at mahal na mahal nila ang isa't isa. Subalit dahil sa paglalaro ng tadhana ay nagkahiwalay silang dalawa. Pitong taon ang lumipas at muli silang pinagtagpo ng tadhana subalit may kani-kaniyang buhay na sila;...
