MAYWARD fanfic: Lihim (completed)

Lihim 3: Chapter 3- Ulan..

Nang sa wakas lumabas na rin ito sa opisina ko ibinalik ko nalang ulit ang pansin ko sa mga ginagawa ko.

Biglang tumunog ang cellphone ko senyales na may dumating na mensahe.

Napangiti ako nang mabasa ko ang pangalan ng maganda kong asawa.

Kanina kinulit ako nito na magpunta ulit kami ng ice cream house ni Conde. Halos araw-araw ata kaming naroon.

Binuksan ko ang mensahe ng asawa ko at mas lalo akong napangiti ng mabasa ko ang mensahe nito.

Kahit hindi ko pa tapos ang mga ginagawa ko, iniligpit ko na ang mga ito. May bukas pa naman para dito.

Pagkalabas ko palang ng elevator sumalubong na sakin ang mga empleyadong nasa may entrance.

Ngayon ko lang napansin na umuulan pala.

"Sir! Sir! Sir Ed!" Sigaw ng pamilyar na boses.

Nakita kong patakbo ito papunta sa may gawi ko.

Naghahabol ito ng hininga nang nasa harapan ko na ito.

"Sir Ed payungan ko na kayo papunta sa parking lot.." nakangiting sabi nito.

"No need Miss Castillo.."

"Pero sir.. baka maba.."

Bago pa nito matapos ang sasabihin ko itunuro ko ang sasakyan kong nakaparada na sa labas na sakto sa harap ng entrada.

"Ay sige po.."

Tumango ako dito at nag-umpisa nang maglakad ngunit nakailang hakbang palang ako ng may humawak sa braso ko.

"Sir Ed.. ano po.. pwede po.. pwede po bang makisabay.."

Tinitigan ko ito para tignan kung nagbibiro nga lang ba ito.

Pasimpleng tumingin ako sa paligid, mangilan-ngilan nalang narito sa gusali.

"Ah kung ayaw niyo po.. sige po huwag nalang po.. sorry po.. empleyado lang pala ako." May himig tampong sabi nito.

Hinayaan kong lagpasan ako nito at nagtuluy-tuloy itong lumabas ng gusali.

Itinuloy ko na rin ang paglalakad ko palabas para makauwi na rin ako. Sabik na akong makita ang asawa ko.

Nang makalabas ako nadatnan ko si Amaya sa labas na nakikipag-usap sa mga ilang mga empleyadong nasa labas pa rin na mukhang hinihintay tumila ang ulan.

"Grabe Amaya, akala ko nung una ikaw si Mrs. Barber nung una.. naalala mo 'yon, binati pa kita pfft!" Tawa ng tawa na sabi nung kausap nito.

"Oo nga eh, ang laki din ng pagkakahawig niyo.. nagkakatalo na nga lang sa boses pfft! Unique kay Mrs. Barber eh." Sabi nung isa.

Napailing nalang ako sa mga naririnig ko at tuluyan na akong pumasok sa sasakyan ko.

Amaya's POV

Kanina pa daldal ng daldal ang dalawang babaeng katabi ko, ne hindi ko matandaan ang mga pangalan nila.

Nakita ko ang pagsakay ni Ed sa kotse nito.

"Hoy Amaya nalunon mo na ata ang dila mo. Pagod na kami sa pagsasalita wala ka man lang sinasabi diyan." Untag nung nasa kaliwa ko.

Tinitigan ko ito at pinagtaasan ng kilay.

Mukhang nagulat ang mga ito at natawa. Iniwan ko nalang sila nang makita ko ang hinahanap ko. Mukhang kanina pa nila ako hinihintay.