Wanted Babymaker (Editing)

Chapter 55 Two lines

Leaf's POV -

"I love you, Ayumi." Hanggang ngayon ay paulit ulit ko pa rin naririnig ang mga salitang 'yun mula kay Charles. Ayoko mag assume dahil siguro bigla lang sumagi sa isip niya yung asawa niya, na namiss lang niya kaya nakapag salita siya ng ganun in an unexpected situation pero ang nagpapagulo sa akin ay kung bakit niya nasabi 'yun habang nakatingin sa akin?

"Babe, okay ka lang?" Pagtatanong ni Hayley kay Pierce dahil pansin ko rin na tahimik siya simula pa kanina, "gusto mo ba bumalik na tayo sa hotel?"

"Okay lang." Tanging naisagot niya.

Hindi ko alam kung anong trip niya ngayon pero ayoko ng ganyan siya, nakakapanibago.

"Tikman mo 'to, masarap 'yan." Naglagay ako ng food sa plate niya pero sinigurado ko muna na naka layo layo na si Hayley mula sa amin pero tiningnan niya lang ito, "hindi ko 'yan nilagyan ng lason." Kinuha ko ito para kagatan sunod na binalik sa pinggan niya.

"Why did you do that?!" Hayley na napataas naman ang boses dahil sa ginawa ko kaya inalis niya yung kinagatan ko plate ni Pierce, "I'm sorry, but I think Pierce and I have to go. Enjoy your dinner."

Hindi na nakapag salita pa si Pierce, inalalayan na lang siya ni Hayley palabas.

Pumunta na ako sa pwesto namin habang si Charles ay kumakain, "sa tingin mo, anong nangyari sa kapatid mo?" Nabarang ba 'yun at bigla na lang tumahimik? Mukha naman na wala siyang sakit dahil bago pa kami pumunta dito ay inaasar pa niya ako sa suot ko.

"Maybe he's just tired? Sunod sunod na araw din silang lumalabas ni Hayley."

"Nakakapagod ba makipag date?" Sunod na subo ko sa pagkain.

"Hindi ka ba napagod sa mga date natin?" Date ba talaga ang tingin niya doon?

"Oo nga pala nakalimutan kong nahimatay nga pala ako noong isang beses, pasensya."

Pagkatapos namin kumain ni Charles sa restaurant na malapit sa beach ay inihatid nya na ako sa hotel na tinutuluyan namin. Inihahatid nya ako sa mismong pintuan ng tinutuluyan namin ni Pierce simula nung magkasama kami, kahit late ay inihahatid nya pa rin ako. Nakakatuwang may mga gentleman pa rin pa lang nabubuhay sa mundo!

"Wuy Charles, salamat hah? Ilang araw na kitang inaabala." Alam kong napaka busy nyang tao pero nagagawa pa rin nyang samahan ako at nakakaramdam ako ng hiya dahil dun.

"It's okay, nag eenjoy naman ako." Kung si Pierce siguro ang nakakasama ko at hindi sya, siguradong unang araw pa lang ay bagot na bagot na sya sa akin.

Tinapik tapik ko naman sya sa braso at inayos ayos ang suot nya, "Pag uwi mo magpahinga ka na agad. Huwag ka na masyadong mag pagod, kaylangan mong magpahinga at iwasan mong magkasakit dahil may anak 'kang naghihintay sa pagbabalik mo."

"Opo, pumasok ka na ng makapag pahinga ka na rin. Good night!" Nag ngitian muna kami at sunod na akong pumasok pero pag dating ko ay nakahiga sya sa sofa habang nanonood ng tv at pansin ko ang kalat ng lamesa. May mga pinag gupitang papel!

"Nandito na ako baka kasi hindi mo 'ko nakikita." Dumaretso ako sa may kusina para kumuha ng tubig sa ref, "Kamusta na nga pala pakira---mdam mo?" Nabigla ako kasi pagharap ko ay nandito na sya sa harapan ko kaya napa sandal ako sa ref. "Bakit? Anong problema mo?" Pinitik naman nya ako bigla sa noo. "Aray! Para saan naman 'yun!?"

"Ginigising ko lang yung utak mo, baka kasi natutulog pa." Nag lakad na sya pabalik sa may sofa, ako naman ay napapakamot na lang sa parteng pinitik nya. "Nga pala, saan pa kayo nagpunta ni Kuya?"

"Wala na, pagkatapos namin kumain ay inihatid na rin nya agad ako." Na upo na lang sa sofa sa tapat ng pwesto nya.

"Okay, then pwede ba tayong maglaro?"