A Gay Cinderella Twisted Story

Part 10

Hinayaan ko na silang dalawa para mag usap. Umalis na ako sa dorm ni Teejay pero umuulan sa labas. Nakakaasar, naiwan ko yung payong ni Teejay sa bahay.

"Anjo!!" Sigaw ni Teejay saken. Sumulong na ako kahit umuulan pero sumunod pa rin siya.

"Anjo!!" Hinawakan niya ako sa braso at hinatak sakanya. Niyakap niya ako ng mahigpit sa ilalim ng ulan. Di naman ako naiiyak, pero ang weird ng pakiramam ko. Parang masakit pero di ko alam kung saang part.

"Anjo, magsalita ka naman" sabi niya saken.

"Nababasa na ako, uuwi na ako Teejay"

"Anjo."

"Wala na Teejay, ayusin mo yung sainyo nung girlfriend mo."

"Wala na kami."

"Kaya nilalandi mo ko? Ano ba Teejay. Okay na ako nung hindi ka nagkaganyan eh. Sana ganun na lang tayo hanggang gumraduate, yung parang di magkakilala."

"Nakipagbreak ako sakanya dahil sayo!!"

Di naman ako nagsalita sa sinabi niya. Di ko alam kung umiiyak ako dahil sa ulan.

"Aalis na ako Teejay"

"Anjo,mag uusap tayo bukas ha??"

"Walang dapat pag usapan Teejay," tumalikod na ako at umalis. Di naman na siya sumunod. Ang gusto ko na lang makauwi at makapagpahinga, anong oras na kaya.

Maya maya pa, nakauwi na ako samen. Basang basa at tumutulo. Alam ko ng umiiyak ako dahil sa sipon na sinisinghot ko.

Dumiretso na ako sa kwarto ako at nagpunas muna ng katawan at mukha, humiga akong basang basa sa kama ko at dumapa.

Masakit pala mainlove.

.

.

.

.

Nagising akong masakit ulo ko at parang nahihilo. Pero pinilit kong pumasok, ayoko rin kasi dito sa bahay.

Pag dating ko sa classroom, umupo agad ako sa upuan ko at tumungo. Ang init din ng pakiramdam ko na parang magkakalagnat ako.

"BB, BB. Andiyan na si maam" tapik saken ni Marco.

"Hala bakla ka, ang init mo! May sakit ka BB" Sabi niya. May tumabi naman saken at napansin kong si Teejay yun, kahit masama pakiramdam ko, pinilit kong palayuin siya.

"Okay ka lang???" Hawak ni Teejay ako sa noo at leeg.

"Sht Anjo, ang taas ng lagnat mo. Bakit ka pa pumasok" sabi ni Teejay saken.

"Teejay please. Mas lalo mo akong pinapahirapan." Sabi ko naman.

"Anjo, samahan na kita sa clinic. Tara na,"

"Hindi, kaya ko to."

"Anjo..."

"Ano ba! Sinabi ng kaya ko to eh!" Sumigaw ako sa classroom at lahat sila napatingin saken. Tumayo ako nun kasi gusto kong pumunta sa clinic. Pero natumba ako sa sobrang hilo.

.

.

.

.

Nagising na lang ako na may tumatawah sa phone ko. Nasa clinic na pala ako at nakahiga sa kama. Sinagot ko yun kahit nahihilo ako.

"Hi Anjo!" Si Dom yun.

"Uhmm"

"Uyy ayos ka lang?" Tanong niya.

"Ahh medyo. Nasa clinic kasi ako ngayon mataas lagnat ko. Pero okay lang siguro"