Ang syota kong abnormal [completed]

Chapter 50-

LACHLAN CHUA POV

Pagka-sundo kay Jake ay sumunod kami sakanya papuntang maynila. Kasama ko ang Kuya Jeff niya.

Kailangan naming makipag-cooperate sa mga kasamahan niya sa station para mapag-planuhan ng maigi ang gagawin naming pagsugod sa hide-out ni Daragon.

Mabuti nalang at nakakatulong ang pagiging madaldal ng pamangkin niya. Dahil sinabi din niya sa akin na minsan ay sinundan niya ang tito niya kung saan ito pumupunta. At nalaman namin sakanya ang address kung saan namin mahahanap ang kanilang hide-out. Lingid din sa kaalaman ni Anggie na ginagamit ko lang siya.

Pansin ko ding nahuhulog na talaga ang loob niya sa akin dahil sa mga efforts niya. Wala akong balak patulan ang kung ano mang nararamdaman niya para sa akin dahil ang puso ko ay nakalaan lamang para kay Jake.

"Kailangan na nating kumilos agad dahil baka kung anong mangyari kay erpat at sa utol ko." Si Kuya Jeff. On the way kasi kami ngayon sa station.

Nalaman din niya sa hepe nila na matagal na pala nilang hinahanap si Santi Daragon dahil sa mga transaction niya sa mga illegal na droga.

"Gagawa tayo ng paraan para mailigtas sila. Wag kang mag-alala. Pwede kong pakiusapan ang Tito ko upang kausapin ang Daddy ni Jake na maki-cooperate din sila." Sagot ko.

"Naitawag na din sa akin yan ni Jake na sasama daw sila sa paglusob natin sa hide-out nila Daragon. Pero tol, mukhang hindi ka papayagan ni hepe na sumama sa operasyon." Baling niya sa akin habang nagmamaneho.

"Sasama ako. Gusto kong makatulong. I can handle myself. In fact, kung hindi natin mapapasuko si Daragon ay pwede nating gamitin ang alas na hawak ko. Ang pamangkin niya." Saad ko. Dahil hindi sa gusto kong magpa-impress kay Jake kundi gusto ko din talagang makatulong.

"Tch! Muntik na kitang mapatay non. Akala ko talaga ay babae mo yon." Iiling-iling na saad niya.

"Tch! Pag-aari na ako ng kapatid mo."

Ng makarating kami sa station ay pumasok agad kami sa conference room.

Nandon na lahat ang mga opisyales.

"Men! General Terorra ordered as to cooperate for this operation dahil hawak nila ang matalik na kaibigan niyang si Retired SP04 Reymundo Socrates at ang isang anak nito. Kailangan na nating kumilos sa lalong madaling panahon dahil kulang na tayo sa oras." Panimula ng General na kasalukuyang tinatalakay ang planong gagawin para sa operasyon.

Purong mga seryoso ang mga nandito at nagpapalitan sila ng mga opinyon para sa planong ginagawa nila. Tahimik lang naman kaming nakikinig ni Kuya Jeffrey.

Ng matapos na ay kinausap nga ako ng hepe nila na hindi ako pwedeng sumama ngunit nakiusap ako. At sa huli ay pinayagan din ako basta wag lang daw akong hihiwalay sa mga kasamahan kong pulis pagdating sa hide-out.

Napagplanuhan nilang bukas daw ng gabi sila susugod. Kaya naman nagpahatid muna ako kay Kuya Jeffrey sa bahay para makatulog man lang kahit kaunti.

Pagkadating ko nga sa bahay ay binagsak ko kaagad ang katawan ko sa kama at mariing pumikit. Ramdam ko ang pagod sa katawan ko. Simula kasi pagkadating namin galing probinsya ay wala kaming tigil ni Kuya Jeffrey. Punta dito, punta doon ang ginagawa namin.

Hindi din naman namin napapabayaan ang communication namin ni Jake. Halos lahat ng pinupuntahan at ginagawa namin ay pinapaalam ko sakanya at ganon din naman ang ginagawa niya.