I've Got You (SPG Girls #5)

006xxxx

006xxxx
Distracted

Off ko ngayon at kasalukuyang nakikipag-usap sa mga kaibigan ko. Ang topic namin ay ang ginawang nursery ni CK para sa magiging baby nila ni Loislane. Ang hindi namin napansin ay nasa group chat pala kami na kasama ang i-su-surprise na babae.

Agad namin dinelete ang messages namin at lumipat sa kabilang group. Tawa pa ako nang tawa nang mapansin kong gising na si Storm.

"Pahinga ka pa?" Tanong ko nang makitang pupungas-pungas siyang pumunta sa kinaroroonan ko sa sala. Nakasuot na lang siya ng pants niya at white fitted shirt na baon-baon niya.

And no, hindi ko pa isinuko ang bataan. Galing lang siya sa isang mahabang duty at nagprisinta akong sumundo sa kanya saglit dahil hindi daw niya kaya mag-drive. Sa kaartehan naman niya, ayaw niya daw matulog sa hospital.

"I'm good," usal niya bago akmang hihiga sa sofa. Pinigilan ko siya at sandaling tiningnan ang oras. Inaabangan ko kasi kung pauwi na ba si Karl mula sa school. Ayoko naman na makita niyang may dala akong lalaki sa bahay since hindi ko naman boyfriend si Storm.

Exclusively dating pa lang. Subok-subok lang. Momol-momol lang gan'un.

Storm has been here several times in the past month. Sadyang hindi lang siya inaabutan dahil all Storm does here is rest. Hinahayaan ko siya dahil naiintindihan ko naman ang trabaho niya. He's a doctor. At in demand ang pangalan niya sa mga VIPs na nanganganak.

"Missed you, Lacy," sambit niya bago sumubsob siya sa akin at niyakap ako nang mahigpit.

"Aww. Kakakita lang natin no'ng isang araw  sa hospital?" Pang-aasar ko sa kanya bago yakapin pabalik.

Mabigat siya kumpara sa akin at talaga naman na ramdam ko ang pagkakadagan niya. It's a welcomed weight, though, because I like snuggling to him like he's a big bear. Walang-wala ang ibinigay niya na Olaf stuffed toy sa kanya.

Isiniksik niya ang mukha niya sa leeg ko at nagsimulang punuuin ito ng maliliit na halik.

"H-Hoy, Storm!" Tinapik ko siya sa braso para patigilin dahil nakikiliti ako. Tumawa lang siya at mas lalong dinamihan ang halik.

Itinulak niya ang sarili niya paangat para tingnan ako. His arms are now caging me on the sofa, his lower body pushed snugly against the between of my legs.

"Sorry. Hindi pa rin tayo nakakapag-date ng maayos,"  sambit niya na may bahid ng pagsisisi.

Ilang araw na rin kasi matapos ang Valentine's Day at pareho kaming duty ng araw na 'yun. Hindi naman niya nakalimutan. Ang katotohanan niyan, naka-display pa sa pagpasok ng pintuan ang bouquet na ibinigay niya sa akin sa gitna ng duty ko.

Naging tampulan na naman ako ng asar dahil bakit daw ba ako ipinagpala sa jowa? E, hindi ko pa nga jowa! Paano kaya 'yun?

"Okay lang naman," kibit-balikat kong sagot. Wala naman kaming magagawa. Ito ang napili namin na propesyon.

Nilaro ko na lang ang buhok niya na malaya mula sa pagkakatali nito. Mas lalo itong humaba na lumagpas na sa haba ng buhok ko since bagong pagupit ako nu'ng nakaraan.

"Movie later?" Inabot niya ang phone niya na nasa coffee table. Umayos siya ng higa. Hinila naman niya ako patungo sa kanya at ikinulong sa kanyang mga bisig.

This time, ako ang sumiksik sa dibdib niya habang ninanamnam ko ang amoy ng body wash ko sa katawan niya. Wala kasi siyang gamit noong nag-shower siya kanina.

"Ano namang movie?"

"Jupiter Ascending lang mukhang maganda, e," sabi niya nang maobserbahan ang movie list.