Invisible (On editing process)

Chapter 4

Chapter 4

          Nangingitngit sa inis si Devon May Seron ang presidente ng club na kung tawagin “Campus Got Faces” ang club na to ang nag-fefeature ng mga bagong estudyante lalong-lalo na kung maganda at guwapo. Sila din nag-oorganize ng mga beauty contest sa kanilang paaralan. Nakita niya si James Reid na dumaan mag-coconduct siya sana ng interview kay James, palapit na sana nang linapitan ni James si Fretzie at ang kaibigan niyang si Trish dahil dun nag-ngingitngit ang kalooban niya dahil dun. Mas lalong naiinis siya kay Fretzie dahil lahat ng gustuhin niya ay naaagaw nito. Una, ang pagiging top 1 student sa buong campus. Pangalawa ang pagiging presidente ng student body. Ngayon hindi na siya papayag na pati si James ang makuha pa nito.

“Fretzie, marami ka ng atraso sa akin siguro ngayon na ang tamang panahon para makaganti sayo lagot ka talaga mamaya sa akin. Kailangan na talaga kitang turuan ng leksyon” sabi nito sa sarili.

“Devon, bat ka pa nandito?” puna ng kaibigan niyang si Shey.

“Panira talaga ng araw ang babaeng yun. Kung wala siya sana dun ay nakausap ko na si James at na-interview. Kahit kailan buwisit siya!” bulalas nito.

“Alam mo Devon darling, kaysa sa maktol ka diyan. Bat hindi natin turuan ng leksyon ang babaeng yun?”  sabi sa kanya ni Shey

      Alam ni Devon na maasahan niya sa mga ganitong pagkakataon si Shey. Matagal na rin silang naging magkaibigan simula noong mga bata pa sila. Kaya alam ni Shey kung ano ang nasa isip niya.

“Shey, pareho talaga tayo ng iniisip. Tama nga na tawagin tayo na soul sisters dahil ikaw lang ang nakakaintindi sa akin.” Nakangiting wika ni Devon.

“Naku, nakuha mo pang magdrama. Hindi bagay sayo darling. So ano ang plano?” interesadong tanong ni Shey.

“Just watch and learn. Malay mo may matutunan ka sa akin.” Sabay halakhak ng malakas.

     Nasa school field sina Fretzie,James at Trish nakaupo sila sa damuhan habang masaya silang nagkukwentuhan.

“Alam mo Fretzie, bagay talaga kayo ng ultimate crush kong si James. Kung siya ang makakatuluyan mo magiging super super happy ako sa inyong dalawa.” Nakangiting wika ni Trish na may halong pang-aasar.

      Kumunot ang noo ni Fretzie at nababakas sa mukha nito na hindi ito sang-ayun sa sinabi nito. Samantalang si James ay natawa na lamang habang tinititigan niya si Fretzie ay namumula na ito.

“Trish, tigilan mo ng kakantiyaw kay Fretzie baka maging kamatis na siya sa sobrang pula ng pisngi.” Sabi ni James. Halatang mas lalong napikon si Fretzie sa sinabi niya at tinignan siya nito ng masakit. Hindi mapigilan ni James at Trish na matawa sa reaksyon ni Fretzie.

“Pwede ba kung wala kayong magawa.  Huwag niyo nga akong pag-tripan. Makaalis na nga dito”inis na wika ni Fretzie. Tumayo  na si Fretzie at iniwan ang dalawa agad naman tumayo si James para habulin siya.

“Zie, huwag ka ng umalis. Pasensiya na hindi ko naman akalain na maiinis ka sa biro naming ni Trish.” Sinserong wika nito at nagpapa cute ito sa kanya. In fairness kahit na nagpapa cute ito ay bagay sa kanya. Natigilan siya ng tawagin siya ni James na Zie. Tanging ang kababata niya lang na si Rj ang tumatawag sa kanya ng ganon.

“Iwan niyo muna akong mag-isa.” Mahinang sabi ni Fretzie kay James at hinayaang umalis ang dalaga habang nilapitan niya si Trish na nakatingin sa kanya.

“Magiging ok lang ba si Fretzie?” nag-alalang tanong ni James kay Trish.

“Huwag kang mag-aalala magiging ok lang siya. Kung hindi ka talaga mapalagay sundan na lang natin siya.” Nakangiting sagot ni Trish sa kanya. Tumayo si Trish at umalis silang dalawa upang hanapin si Fretzie.