စုန်လင်ဖုန်းသည် လက်သီးအား ကျစ်ကျစ်ပါအောင် ဆုပ်ထားပြီး မကြာမီမှာပဲ နားလည်သွားခဲ့သည် 'ထန်ဝူရွမ်းက တကယ့်ကို တစ်ခုခုပဲ။ သူက တကယ့်ပဲ ဒီလိုလှုပ်ရှားမှုမျိုးနဲ့ စတင်ခဲ့တာပဲ။ ကောက်မန်ကျင်းဆိုတာ သူ့အကိုကြီးလေ။ နှလုံးသားမဲ့လွန်းလိုက်တာ။ သူက သူ့အကိုကြီးကို တွက်ချက်ဖို့တောင် ကြိုးစားခဲ့တယ်တဲ့'
"ဒါက ငါ့မိုက်မဲမှုကြောင့်ပါ။ တစ်စုံတစ်ယောက်ရဲ့ အလှည့်စားခံလိုက်ရတာ ဖြစ်နိုင်တယ်" စုန်ချီမင်က ပြောလာသည်။
"ဒီလိုအခြေအနေမျိုးမှာဆို ငါတို့တွေ စုန်ယွမ်ဒေါသကို ဖြေသိမ့်နိုင်စေမယ့် နည်းလမ်းတစ်ခုတော့ ရှာရလိမ့်မယ်"
စုန်လင်ဖုန်းက မျက်မှောင်ကြုတ်ကာ "ဝမ်းကွဲ ငါတို့ပင်မအိမ်တော်ကြီးရဲ့ဖုန်းစွေမှာ တစ်ခုခုမှားယွင်းနေတာများ ဖြစ်နိုင်လောက်လား။ အခုတလော ငါ့အတွက် အရာရာတိုင်းက အဆင်မချောသလိုမျိုး ဘာလို့ခံစားနေရတာလဲ"
ပြီးခဲ့သည့် ရက်အနည်းငယ်က သူနှင့်ပတ်သတ်တဲ့ အပျက်သဘောဆန်သည့် သတင်းများ အတော်လေး ပျံ့နေလေသည်။ ပြောမရသော စည်းကမ်းကို အသုံးပြုကာ အမျိုးသမီး ကြယ်ပွင့်တစ်ချို့နှင့် အတူအိပ်စက်ခြင်း၊ သူ့ပြိုင်ဘက်များကို အပုပ်ချရန် အွန်လိုင်းရေတပ်များအား ငှားရမ်းခြင်း၊ အဆိုတော်တစ်ယောက်အား ဆွံအသွားအောင် အဆိပ်များ အသုံးပြုခြင်းကဲ့သို့သော သတင်းများပင် ဖြစ်သည်။ ထိုသတင်းများကို ဖိနှိပ်ထားသော်လည်း သူ့ပုံရိပ်ကတော့ အတော်လေး ထိခိုက်နေတုန်းပင် ဖြစ်သည်။ ပြီးတော့ ထိုအရာများကို ဖိနှိပ်ရန် သူ့အဆက်အသွယ်များအား အသုံးပြုခဲ့ရသည်။ ထိုအရာက သူ့အား အပျက်သဘောဆောင်သည့် လွှမ်းမိုးမှုများကို ယူဆောင်လာခဲ့ပေသည်။ သူ့ဟာလို့ ယူဆထားကြသည့် စီးပွားရေးကြော်ငြာတစ်ချို့ဆိုလဲ တစ်ခြားလူများဆီသို့ ပြောင်းလဲသွားခဲ့ကြသည်။
စုန်ချီမင်မျက်နှာသည် မည်းမှောင်သွားသည်။ မကြာသေးမီက စုန်မိသားစုအတွက် အရာရာတိုင်းဟာ မချောမွေ့ခဲ့ပေ။ လွန်ခဲ့သည့် တစ်နှစ်ခန့်ကလိုမျိုး စုန်ယွမ်ဟာ သူတို့အား ယခုကဲ့သို့ ပြဿနာရှာရဲမယ်ဆိုလျှင် တောက်ဆရာတစ်ဦးအား ငှားရမ်းကာ သူ့အား ချိပ်ပိတ်လိုက်မည် ဖြစ်သည်။ ဒါပေမဲ့ အခုကတော့ အတွင်းရော အပြင်မှာပါ ပြဿနာများ ကြုံတွေ့နေရတော့ စုန်မိသားစုဟာ ပြဿနာအသစ်များ ပေါ်ပေါက်လာအောင် တကယ့်ကိုမလုပ်ရဲကြပေ။
![](https://img.wattpad.com/cover/359449014-288-k656257.jpg)
YOU ARE READING
သုံးလောကလုံး ခြေဦးတည့်ရာ သွားနေတဲ့ အစွန့်ပစ်ခံ သား
Adventure"ကျွန်တော် သူ့ကို လက်ထပ်ချင်တယ်" "သခင်လေးဖန် သူက ချမ်းသာတဲ့ ဒုတိယ မျိုးဆက်၊ တည်ထောင်သူမိသားစုရဲ့ တတိယမျိုးဆက် ပြီးတော့ မြို့တော်မှာ မြင့်မြတ်ပြီး ကျော်ကြားတာနော်။ သူက မင်းကို လက်ထပ်မှာ မဟုတ်ဘူး " "ဘာလို့လဲ ။ ကျွန်တော်က ချောပြီး ထက်မြက်တယ် ခြေလှမ်း...
အခန်း (၉၅)
Start from the beginning