လေပြေညှင်းလေးတိုးဝှေ့ခဲ့သောအချစ်ပန်း - ၂၃
တက္ကသိုလ်ကျောင်းပေါက်ဝအရောက်မှာ ကားလေးကိုရပ်ထားပြီး အချစ်ပန်းကိုစောင့်နေလိုက်သည်။
ကားနောက်ကြည့်မှန်ထဲကနေ အချစ်ပန်းကိုမြင်တော့ ကားပေါ်ကဆင်းပြီး လက်လှမ်းပြလိုက်သည်။
ကားအနားရောက်လာတဲ့ အချစ်ပန်းအတွက် ကားတံခါးကိုပါဖွင့်ပေးလိုက်ပြီး အဆင်သင့်ဖြစ်သည်နှင့်
ကားလေးကတလှိမ့်လှိမ့်ထွက်လာခဲ့တော့၏။
" ကျောင်းတက်ရတာ ဘယ်လိုလဲ"
" အွန်း အရမ်းပျော်တယ် ခုမှ ပထမနေ့မို့လားမသိဘူး စာမသင်သေးဘူး"
" မား သူငယ်ချင်းတွေရပြီလားဗျ"
" ရတာပေါ့ စူစူလေး ပါပါးကြောင့် မားဆီ ကောင်မလေးချောချောငယ်ငယ်လေးတွေ လာမိတ်ဖွဲ့ကြတာ"
" ဘာလို့လဲဗျ" စူစူလေးက မသိလို့မေးလိုက်တော့ ကားမောင်းနေတဲ့ ဟိုလူက ခပ်သဲ့သဲ့ပြုံးနေလေသည်။
အချစ်ပန်း ထိုလူကို မျက်လုံးလေးထောင့်ကပ်ပြီးကြည့်လိုက်ရင်း
" စူစူ့ ပါပါးကိုစိတ်ဝင်စားကြလို့ပေါ့"
" ဟင် ပါပါးမှာ မာမားရှိတယ်လို့ပြောလိုက်နော် မာမား"
" မပြောချင်ပါဘူး"
သူမထိုသို့ဆိုလိုက်တော့ ကားမောင်းနေတဲ့ အနန္တ သူမဘက်ကိုစောင်းငဲ့ကြည့်ရင်း
" ဘာလို့မပြောချင်ရတာလဲ"
" အွန်း............ပထမနှစ်ရော ဒုတိယနှစ်က ကောင်လေးငယ်ငယ်လေးတွေကလည်း လာမိတ်ဆက်ကြတယ်လေ"
" ကျွီ"
ကားကိုလမ်းဘေးချရပ်လိုက်ပြီး သူမကိုသေချာကြည့်ပြီး မကျေနပ်တဲ့ပုံပေါက်နေတဲ့ ထိုလူကိုကြည့်ရင်း အချစ်ပန်းရယ်ချင်ပတ်ကျိဖြစ်နေလေ၏။ သူမကိုလာမိတ်ဆက်သည့်ကောင်လေးတွေရှိပေမယ့် သူတို့အထက်တန်းကျောင်းသားတုန်းက သဘောကျခဲ့သည့် မော်ဒယ်လ် လာဗင်ဒါနှင့်တူသည်ဟုဆိုသောကြောင့် သူမလည်းအမှန်တိုင်းပဲ အဲ့ဒီတုန်းကမော်ဒယ်လ်လာဗင်ဒါပါဟုပြောခဲ့လိုက်သည်။ ဒီလောက်ဆို သူမမှာ ကလေးရှိမှန်းသိပြီမဟုတ်လား။ ကိုယ်ဝန်သတင်းကို ဒါရိုက်တာနှင့်တောင် တိုင်းသိပြည်သိ သတင်းထွက်ခဲ့သည်မလား။ ဟိုလူ့အကြောင်းကိုတော့ နာမည်ပင် သူမ မပြောခဲ့ပါပေ။
YOU ARE READING
လေပြေညှင်းလေးတိုးဝှေ့ခဲ့သော အချစ်ပန်း
Fanfictionဆင်းရဲတဲ့ဘဝကနေ ရုန်းထွက်ချင်လို့ မော်ဒယ်လ် ဖြစ်ဖို့ ကြိုးစားနေတဲ့ "လာဗန်ဒါ " ခေါ် "အချစ်ပန်း" ဆိုတဲ့ ကောင်မလေးနဲ့ အသဲနှလုံးမရှိသူ အကျိုးအမြတ်ပဲတွက်သူလို့ အမည်ကျော်တဲ့ The Universe လုပ်ငန်းစုရဲ့ ဒုဥက္ကဌ " အနန္တ" အကျိုးအမြတ်ပဲ ကြည့်တတ်တဲ့ နောက်ခံမတူ...