လေပြေညှင်းလေးတိုးဝှေ့ခဲ့သောအချစ်ပန်း - ၁၇
ညနေစောင်းတော့ စူစူလေးလက်ကိုကိုင်ဆွဲကာ မိုးသွန်း အိမ်ထဲဝင်လာတော့ မီးဖိုမှာ ချက်ပြုတ်နေတဲ့ အချစ်ပန်းကို အံဩသလိုကြည့်ရင်း
" ဆိုင်လည်းမလာ ဖုန်းဆက်လည်းမကိုင်လို့စိတ်ပူနေတာ၊ ဆိုင်ကိုတောင် စောစောသိမ်းပြီး ပြန်လာခဲ့ရတာ။ လက်စသတ်တော့ ညစာလုပ်နေတာပဲ၊ စူစူ ဒီနေ့မိုးတွေဘာတွေရွာမလားမသိဘူး"
ပြုံးစစနဲ့ မိုးသွန်း စချင်ယောင်ဆောင်နေပေမယ့် တခုခုဖြစ်နေမှန်းသိပါသည်။
" မား ဘာတွေချက်နေလဲ။ မွှေးနေတာပဲ"
စူစူလေးက မိုးသွန်းလက်ကိုလွှတ်လိုက်ကာ သူ့မေမေဆီပြေးသွားရင်း ဘာတွေချက်နေလဲ စပ်စုနေသည်။
" ယူနန်ဟော့ပေါ့လုပ်နေတာ မားတို့ဒီနေ့ကောင်းကောင်းလေး စားကြရအောင်လို့"
"ရေး........ယူနန်ဟော့ပေါ့ကွ"
စူစူလေးက ပျော်သွားကာ အချစ်ပန်းဘေးမှာ ခုန်ပေါက်နေလေ၏။
" စူစူ အဝတ်လဲ ကိုယ်လက်ဆေးပြီးရင် အသီးစားလိုက်ဦး၊ သွားသွား"
မိုးသွန်းပြောလိုက်တော့ စူစူလေးက လွယ်အိတ်ကို ကိုင်ဆွဲပြီး သူ့အခန်းထဲပြေးဝင်သွားသည်။
" ညီမလေး မျက်နှာလည်း သိပ့်မလန်းဘူး။ ဘာဖြစ်တာလဲ"
ရေခဲကပ်လိုက်တာကြောင့် ပါးယောင်နေတာက သိပ့်မသိတာတော့တာ တော်သေးသည်။
မဟုတ်ရင် စူစူရော မမရော စိတ်မကောင်းဖြစ်ကြမည်။
" ဟိုလူအမေက လာတွေ့ပြီး သူ့သားနဲ့မပတ်သတ်ဖို့ပြောသွားတာ"
" ဟင် ညီမလေးတို့မှ မပတ်သတ်ပဲနေကြတာကို အဲ့ဘွားတော်က ဘာဖြစ်နေတာလဲ"
" ဒါကြောင့် မဟုတ်ပဲ ပြောခံရလို့ စိတ်ညစ်နေတာ"
" ဘာတွေပြောသွားသေးလဲ"
" ဘာမှ အထွေထူးမဟုတ်ပါဘူး အဲ့တာလေးပါပဲ ၊ အချစ်ပန်းလည်း ရှင်းပြလိုက်ပါတယ်။ စိတ်မပူနဲ့မမ"
"တကယ် အဆင်ပြေတာနော်၊ မိသားစုဆိုလို့ မမနဲ့စူစူလေးပဲရှိတာ မမကိုမပြောပြရင် ဘယ်သူ့ကိုပြောပြမှာလည်း တခုခုဆို တယောက်ထဲကြိတ်မခံစားနဲ့နော်။ ပြဿနာရှိရင်လည်း တစ်ယောက်ထဲ ကြိတ်မဖြေရှင်းနဲ့"
YOU ARE READING
လေပြေညှင်းလေးတိုးဝှေ့ခဲ့သော အချစ်ပန်း
Fanfictionဆင်းရဲတဲ့ဘဝကနေ ရုန်းထွက်ချင်လို့ မော်ဒယ်လ် ဖြစ်ဖို့ ကြိုးစားနေတဲ့ "လာဗန်ဒါ " ခေါ် "အချစ်ပန်း" ဆိုတဲ့ ကောင်မလေးနဲ့ အသဲနှလုံးမရှိသူ အကျိုးအမြတ်ပဲတွက်သူလို့ အမည်ကျော်တဲ့ The Universe လုပ်ငန်းစုရဲ့ ဒုဥက္ကဌ " အနန္တ" အကျိုးအမြတ်ပဲ ကြည့်တတ်တဲ့ နောက်ခံမတူ...
