လေပြေညှင်းလေးတိုးဝှေ့ခဲ့သော အချစ်ပန်း

လေပြေညှင်းလေးတိုးဝှေ့ခဲ့သောအချစ်ပန်း - ၁၅

လေပြေညှင်းလေးတိုးဝှေ့ခဲ့သောအချစ်ပန်း - ၁၅

မနက်လင်းတော့ ဂေဟာအဆောက်အဦးဖွင့်ပွဲအတွက် အချစ်ပန်းနဲ့ မိုးသွန်း မိတ်ကပ်လိမ်း၊ အဝတ်လဲပြင်ဆင်လိုက်ကြသည်။အချစ်ပန်းက body fit dressကို Autumn Brownလေးဝတ်လိုက်သည်။ V shapeသဏ္ဍာန်လည်ပင်းပုံစံကြောင့် ကျော့ရှင်းတဲ့ အမျိုးသမီးငယ်လေးဖြစ်သွားသည်။ မိုးသွန်းက sky blue dress လေးနဲ့ ရင့်ကျက်တည်ငြိမ်တဲ့ အသွင်ဆောင်နေလေ၏။

အချစ်ပန်း ပြင်ဆင်ပြီးတော့ စူစူလေးကိုနှိုးဖို့ လက်ကိုကိုင်လိုက်တော့ ကိုယ်ပူနွေးနွေးလေးကိုခံစားမိလိုက်သည်။

" စူစူလေး ဖျားနေပြီထင်တယ် မမ"

" ဟင် ဟုတ်လား၊ ခရီးပန်းသွာားလို့ထင်တယ်"

" ဟုတ်လောက်မယ်၊ အသွားမှာတခါထဲဆေးခန်းပြခဲ့လိုက်မယ်မမ"

" ကောင်းတယ် ၊ ဟိုမှာ စစ်စတာကို အခန်းတခန်းတောင်းပြီး သိပ့်ထားလိုက်မယ် မမတို့တလှည့်စီ ဝင်ကြည့်ကြည့်ကြမယ်လေ"

"ဟုတ်မမ"

စူစူလေးကိုနှိုးတော့ မျက်လုံးကသိပ့်မဖွင့်ချင်။

" မား စူစူအိပ်ချင်သေးတယ်ဗျ"

" အိပ်ခဲ့လို့မရဘူးလေ မားတို့က ဟိုမှာပွဲသွားရမှာ စူစူလေးမှာ အဖျားရှိနေပြီ၊ ကိုယ်ပူနေတာခံစားမိလား"

ခေါင်းငြိမ့်ပြတဲ့ စူစူလေးကို ကျောမှအသာလေးပွေ့လိုက်လေ၏၊ လေးနှစ်သားလေးဆိုပေမယ့် နည်းနည်းလေးတောင် လေးလာပြီပဲ။

" ခု မားက wet towel နဲ့ မျက်နှာကို အသာလေးသုတ်ပေးမယ်နော်၊ မနက်စာစားပြီးရင် ဆေးခန်းပြပေးမယ်၊ ဆေးသောက်ပြီးမှ သွားတိုက်မယ်နော်"

ဘယ်လောက်ပဲသိတတ်လိမ္မာသည့်ကလေးဆိုဆို နေမကောင်းဖြစ်ချိန်ဆို ပိုပြီးဝမ်းနည်းတတ်ကြသည်။

ပြီးတော့ စူစူလေးက လေးနှစ်ပဲရှိသေးတာမို့ သူ့အတွက် တခုခုလုပ်ပေးမည်ဆို ကြိုပြောထားရသည်။

ဥပမာ ကျောင်းသွားရမည် ဆေးခန်းသွားရမည် လူစိမ်းတွေနဲ့တွေ့ရမည်ဆိုရင်ပေါ့။ ကြောက်တတ်သည့် ကလေးမဟုတ်တောင် ရုတ်တရပ်ရှော့မရသွားစေချင်၍ဖြစ်သည်။