"သခင်လေးယဲက တကယ့်ကို စားချင်စိတ် ကြီးမားတာပဲ"ပိုင်ယွင်ကျင်းက အပြုံးလေးနှင့် ဆိုလာခဲ့သည်။
"ဒီတိုင်းပါပဲ၊ ပန်းကန်ထဲက အရာတွေက ပမာဏ နည်းနည်းပဲ ပါလို့ပါ"
ပိုင်ချင်းဟယ်က ထိုနေရာ၌ပင် မထိုင်ရဲတော့ပဲ သူတို့စားပွဲဝိုင်းသို ဦးတည်ကာ လျှောက်လှမ်းသွားခဲ့သည်။
"သခင်လေးယွင်ကျင်းနဲ့ သခင်လေးယွင်ရှီတို့ကို ဒီမှာ တွေ့ရလိမ့်မယ်လို့ ဘယ်တုန်းကမှ မထင်ထားမိဘူး"
ပိုင်ယွင်ရှီသည် အနည်းငယ် စိတ်ဓါတ်ကျသလို ခံစားလိုက်ရသည်။ သူဟာ သူ့တည်ရှိနေမှုကို လျော့ပါးသွားအောင် လုပ်ဖို့ ကြိုးစားနေခဲ့ပေမဲ့ သူသိသည့် လူတစ်ယောက်နှင့် တွေ့ဆုံလိုက်ရသေးသည်။ ဒါတွေအားလုံးက သူ့အကိုကြီးနဲ့ သူမရီးတို့ရဲ့ အပြစ်တွေပဲ။
"ချင်းဟယ် မင်းပဲ။ မကြာသေးခင်က မင်း ကောင်းကောင်းလုပ်ခဲ့တယ်လို့ ကြားတယ်" ပိုင်ယွင်ကျင်းက ပြန်ဖြေလိုက်သည်။
ပိုင်ချင်းဟယ်ဟာ အလွန်ဂုဏ်ယူမိသလို ခံစားလိုက်ရပြီး "မင်းက ကျွန်တော့်ကို အရမ်း ချီးကျူးနေတာပါ။ ဒါနဲ့ ဒါက ..."
"ယွင်ရှီသူငယ်ချင်းလေ" ပိုင်ယွင်ကျင်းက ပြန်ဖြေလိုက်သည်။
"သခင်လေးယွင်ရှီရဲ့ သူငယ်ချင်းပေါ့။ သူက အရမ်းထူးချွန်နေပုံရတာ မအံ့သြတော့ပါဘူး" ပိုင်ချင်းဟယ်သည် ယဲဖန်ကို အနည်းငယ်လောက် ချောင်းမကြည့်မိဘဲ မနေနိုင်တော့ပေ။
ပိုင်ယွင်ရှီကတော့ သူ့စိတ်ထဲတွင် အေးစက်စက်သာ ပြုံးပြလိုက်သည်။ ယဲဖန် ရုပ်ရည်က အဆင်ပြေပေမယ့် သူ့စားသောက်ပုံကတော့ အရမ်းရုပ်ဆိုးလွန်းပေသည်။ ပိုင်ချင်းဟယ်တော့ ထူးချွန်သည် ဆိုသည့် စကားလုံးပြောဖို့ အတော်လေးအားယူလိုက်ရလောက်သည်။
ပိုင်ယွင်ရှီက ယဲလင်းအား စပ်စုစွာ ကြည့်လိုက်ပြီး သူ့စိတ်ထဲတွင် တွေးနေမိ၏ 'ယဲဖန်အပေါ် သဘောကျနေတယ်ဆိုတဲ့ အမျိုးသမီးက ဒီတစ်ယောက်ပဲ ဖြစ်လိမ့်မယ်'
YOU ARE READING
သုံးလောကလုံး ခြေဦးတည့်ရာ သွားနေတဲ့ အစွန့်ပစ်ခံ သား
Adventure"ကျွန်တော် သူ့ကို လက်ထပ်ချင်တယ်" "သခင်လေးဖန် သူက ချမ်းသာတဲ့ ဒုတိယ မျိုးဆက်၊ တည်ထောင်သူမိသားစုရဲ့ တတိယမျိုးဆက် ပြီးတော့ မြို့တော်မှာ မြင့်မြတ်ပြီး ကျော်ကြားတာနော်။ သူက မင်းကို လက်ထပ်မှာ မဟုတ်ဘူး " "ဘာလို့လဲ ။ ကျွန်တော်က ချောပြီး ထက်မြက်တယ် ခြေလှမ်း...
အခန်း (၇၂.၁)
Start from the beginning