ယဲဖန်သည် သူ့ဘက် ယိမ်းလာကာ "အဲ့ဒီစားပွဲဝိုင်းက အမျိုးသမီးက ငါ့ကို ကြွေနေတယ်။ သူမက ငါ့ကို စိုက်ကြည့်နေတာ။ ငါ့ကို အမြဲကတိပေးနော် မဟုတ်ရင် တခြားတစ်ယောက်ယောက်က ငါ့ကို ခေါ်ဆောင်သွားတော့မှာ"
ပိုင်ယွင်ရှီက အေးစက်စက် ပြုံးပြလိုက်ပြီး "မင်း အတွေးလွန်နေတာပါကွာ။ မင်းရဲ့ စားသောက်ပုံက ရယ်စရာကောင်းတယ်လို့ သူမက ထင်နေတာကွ"
"မင်း ဘာပြောပြောကွာ၊ သူမ ငါ့ကိုကြည့်နေပုံက တကယ့်ကို မတူဘူး" ယဲဖန်က ယုံကြည်မှုအပြည့်နှင့် ဆိုလာခဲ့သည်။
ပိုင်ယွင်ရှီ "ဒါပေါ့၊ ရွံရှာမှု အပြည့်တွေနဲ့လေ"
ယဲဖန်က မေးလိုက်သည် "ရွံရှာမှုတွေလား။ ဘာလို့လဲ"
ပိုင်ယွင်ရှီက ပုခုံးတွန့်ရင်း "ဘာလို့လဲဆိုတော့ စိတ်အနှောင့်အယှက်ဖြစ်စရာကောင်းလို့လေ"
ယဲဖန် "....."
.......
ဘေးနားတွင် မတ်တပ်ရပ်နေသော စားပွဲထိုးလေးနှစ်ယောက်သည် တီးတိုးပြောနေခဲ့သည် "အဲ့စားပွဲကဧည့်သည်တွေက ဟင်းပွဲဒါဇင်နဲ့ချီပြီး မှာထားတာ။ သောက်ရမ်းချမ်းသာတာပဲ"
"မင်းသေချာလို့လား။ စောနတုန်းက သောက်စရာမှာတုန်းကဆို ကိုလာ နဲ့ စပရိုက်တွေ မှာနေခဲ့တာလေ။ ငါက မရှိဘူး လို့ ပြောလိုက်တော့ ငါ့ကို ဝါးဟားဟားရှိလားလို့ မေးတယ်လေ။ သူတို့ မီနူးကို ကြည့်လိုက်တော့ အနည်းဆုံး သုည၂လုံးစာလောက်တော့ ရှိနေပြီ။ သူငွေရှင်းတဲ့အခါမှ ဘာတွေဖြစ်မလဲဆိုတာ ဘယ်သူ သိမှာလဲ"
"စိတ်မပူပါနဲ့။ အဲ့ကောင်က မတတ်နိုင်ဘူးဆိုရင်တောင် သူ့ဘေးက လူကိုပဲ ကြည့်လိုက် သူဝတ်ထားတာက Vacheron Constantin limited editionကြီး၊ အဲ့ဒါက သန်းပေါင်းများစွာ အဖိုးတန်တယ် "
YOU ARE READING
သုံးလောကလုံး ခြေဦးတည့်ရာ သွားနေတဲ့ အစွန့်ပစ်ခံ သား
Adventure"ကျွန်တော် သူ့ကို လက်ထပ်ချင်တယ်" "သခင်လေးဖန် သူက ချမ်းသာတဲ့ ဒုတိယ မျိုးဆက်၊ တည်ထောင်သူမိသားစုရဲ့ တတိယမျိုးဆက် ပြီးတော့ မြို့တော်မှာ မြင့်မြတ်ပြီး ကျော်ကြားတာနော်။ သူက မင်းကို လက်ထပ်မှာ မဟုတ်ဘူး " "ဘာလို့လဲ ။ ကျွန်တော်က ချောပြီး ထက်မြက်တယ် ခြေလှမ်း...
အခန်း (၇၂)
Start from the beginning