စုန်ချီမင်က သူ့သားဖြစ်ကာ သူ့ပုံရိပ်သည်လဲ စုန်မိသားစု၏မျက်နှာကို ကိုယ်စားပြုလေသည်။ လူတွေက သူ့သား အရူးလို ဖြစ်နေတာ ရှာတွေ့သွားခဲ့လျှင် သူက အသိုင်းအဝန်းထဲတွင် ဘယ်လို မျိုးနေထိုင်ရမှာလဲ။
"သူ တစ်ယောက်ယောက်ကိုများ စော်ကားခဲ့ဖူးသလား"
စုန်ဖင်ရှန်းက တစ်ခဏလောက် ရပ်တန့်သွားကာ "အဲ့ဒါ ပိုင်မိသားစုက ပိုင်ယွင်ရှီ ဖြစ်မယ်၊ ကလေးဘဝကတည်းက နေမကောင်းဘူးဆိုတဲ့တစ်ယောက်လေ။ ပိုင်မိသားစုက သူ့ကို ကုသဖို့ နှစ်ပေါင်းများစွာ မရေတွက်နိုင်တဲ့ နည်းလမ်းပေါင်းစုံနဲ့ ကြိုးစားခဲ့တယ်လေ။ မကြာသေးမီက ဒီကောင်လေးက ယဲဖန်လို့ခေါ်တဲ့ တစ်ယောက်နဲ့ ရောနှောနေခဲ့တယ်။ အဲ့တစ်ယောက်က နည်းလမ်းတစ်ချို့တော့ သိတဲ့ပုံပဲ"
ဒါ့အပြင် ဂျပန်လုပ်ကြံသတ်ဖြတ်သူတစ်ချို့သည် ယဲဖန်လက်ထဲတွင် သေဆုံးသွားခဲ့သည်ကို ရှာတွေ့ထားခဲ့တာကြောင့် သူ့အား ဘယ်လိုပဲဖြစ်ဖြစ် ကြောက်ရွံ့နေမိသည်။
"သူက နဂါးကျားတောင်ကလား" စုန်ဖင်ယွမ်က မေးသည်။
စုန်ဖင်ရှန်းက ခေါင်းခါရင်း "မဟုတ်ဘူး၊ ဒါပေမဲ့ သူက အဲ့တောင်က လူတစ်ချို့နဲ့တော့ အဆက်အသွယ်ရှိတဲ့ပုံပဲ"
"သူ အသက်ဘယ်လောက်ရှိပြီလဲ"
"၂၀ အစောပိုင်းလောက်လို့ ထင်တာပဲ" စုန်ဖင်ရှန်းက ပြန်ဖြေလိုက်သည်။
စုန်ဖင်ယွမ်၏မျက်လုံးများ ကျဥ်းမြောင်းသွားကာ "အရမ်းငယ်တာပဲ။ သူက ဘယ်လိုများ စွမ်းအားကြီးနိုင်မှာလဲ။ မတော်တဆ တစ်နေရာကနေ လှည့်ကွက်တစ်ချို့လောက် သင်ယူခဲ့ဖူးတဲ့ မတောက်တခေါက် လေ့လာထားသူပဲနေမှာ၊ သူ့ကိုယ်သူ ပြိုင်ဘက်ကင်းလို့ ထင်နေတာ အတော်လေး ဖြစ်နိုင်လောက်တယ်။ ရှေးလူကြီးတွေပြောသလိုမျိုး ဘာမှမသိတဲ့သူက အကြောက်တရားလဲ မရှိဘူးတဲ့" အရိပ်သတ်ဖြတ်ခြင်းဂိုဏ်းရှိ လူအများစုမှာ အသက် ၅နှစ်၊ ၆နှစ်လောက်ကတည်းက စတင်ကျင့်ကြံကြခြင်း ဖြစ်သည်။ ပြီးတော့ သူတို့တွေဟာ ဘယ်လောက်ပဲ အရည်အချင်းရှိရှိ နှစ်ဆယ်အစောပိုင်းလောက်ဆို လက်သင်အဆင့်ပဲ ဖြစ်သေးသည်။
YOU ARE READING
သုံးလောကလုံး ခြေဦးတည့်ရာ သွားနေတဲ့ အစွန့်ပစ်ခံ သား
Adventure"ကျွန်တော် သူ့ကို လက်ထပ်ချင်တယ်" "သခင်လေးဖန် သူက ချမ်းသာတဲ့ ဒုတိယ မျိုးဆက်၊ တည်ထောင်သူမိသားစုရဲ့ တတိယမျိုးဆက် ပြီးတော့ မြို့တော်မှာ မြင့်မြတ်ပြီး ကျော်ကြားတာနော်။ သူက မင်းကို လက်ထပ်မှာ မဟုတ်ဘူး " "ဘာလို့လဲ ။ ကျွန်တော်က ချောပြီး ထက်မြက်တယ် ခြေလှမ်း...
အခန်း (၆၉)
Start from the beginning