أبطال بيننا

حثيث - ٢١ نيسان ٢٠٢٣

مع أولى لحظات الصباح، كنا نحن وجميع الموظفين قد خرجنا من الباب الذي وجدته (نقش) و(نقاء). كان (سعير) يعانق (نقاء)، و(عاجل) يعانق (نقش)، وأنا و(أثر) نقف متكئين على جدار المجمع التجاري نتشارك لفافة سجائر.
- عيّن لك أخوّي.
نظر (أثر) إلي.
- شايف كل هالعالم يلي هون؟ نحنا يلي خليناهن يطلعو. نحنا ساعدناهن يكونو أحرار.
- بس شو يعني حرية وهنن ما بيعرفو مين هنن؟
كالعادة، كانت أسئلة (أثر) منطقية.
- بيدورو عمين هنن. كل واحد من هدول يلي قدامنا عندو قوة خارقة، وعندو خبرة بأنو هو اشتغل عند اسوأ مدير. يلي بدو بيلاقي شغل، يلي بدو بيرجع عبلدو، ويلي بدو بيضل معنا.
- معنا؟ ليش مين نحنا؟ وشو رح نعمل؟
- بلكي مندوّر عالعالم يلي بحاجة مساعدتنا ومنساعدهن؟
ابتسم (أثر) لفكرتي، وأخذ لفافة السجائر من يدي وأكملها.