ယန်ဖေး "....."
.......
ပိုင်ယွင်ရှီသည် ကုတ်အင်္ကျီတစ်ထည်ကိုဝတ်ကာ မီးပုံဘေးတွင် ထိုင်နေသည်။ ယဲဖန်သည် ပိုင်ယွင်ရှီဘေးတွင် ထိုင်လိုက်ပြီး "မင်း အုတ်ဂူထဲကို သွားချင်လား"
ပိုင်ယွင်ရှီက ခေါင်းငြိမ့်ကာ ဆိုလေသည် "ဒါပေါ့။ မဟုတ်ရင် ငါက ဒီကို ဘာလို့လာရမှာလဲ"
ယဲဖန်က မျက်တောင်ခတ်ကာ မေးလိုက်သည် "မင်း မသွားလို့ မရဘူးလား။"
"ဘာလို့လဲ" ပိုင်ယွင်ရှီက မေးသည်။
"ဒီသင်္ချိုင်းပိုင်ရှင်က ဆာ့တ်(ထ်)ပဲ (ဂရိနှင့်ရောမ ဒဏ္ဌာရီလာအရ ယောကျ်ားတစ်ပိုင်း မြင်း (သို့မဟုတ်) ဆိတ်တစ်ပိုင်းသစ်တောနတ်)။ သူသာ မင်းလိုလှပတဲ့သူကိုတွေ့ရင် စိတ်မထိန်းနိုင်ပဲ မုဒိန်းကျင့်ဖို့ကြိုးစားလိမ့်မယ်။ အဲ့ဒီရုပ်ဆိုးတဲ့သူတွေပဲ သွားပါစေ" ဟု ယဲဖန်က ပြောသည်။
ယန်ဖေး "....." ရုပ်ဆိုးတဲသူတွေလား။ သူ ဘာအကြောင်းပြောနေတာလဲ။
ပိုင်ယွင်ရှီက မေးသည် "ဆာ့တ်(ထ်)တစ်ကောင်။ မင်းလိုမျိုးလား"
ယဲဖန်က ခေါင်းခါကာ "မဟုတ်ဘူး။ ငါက လူကြီးလူကောင်းတစ်ယောက်ပါ"
ပိုင်ယွင်ရှီ "....."
"သကြားအုပ်ထားတဲ့ဟောပန်းသီး(ထန်ဟူလု) စားအုံးမလား" သကြားအုပ်ထားတဲ့သစ်သီးတုတ်ထိုးကို ယူထုတ်လာကာ မေးလာသည်။
ပိုင်ယွင်ရှီသည် သူ့ကျောပိုးအိတ်ကို ကြည့်ရင်း ထူးဆန်းစွာ ပြောလေသည် "မင်းရဲ့ကျောပိုးအိတ်က မကြီးပါဘူး။ ဒါပေမဲ့ အဲ့ဒါက ပစ္စည်းတွေအများကြီးကို တကယ်ဆန့်တာပဲ"
ယဲဖန်က ပြုံးပြီး ဘာမှဆက်မပြောပေ။ သူသည် သူ့ကျောပိုးအိတ်ထဲတွင် သိုလောင်ရေးအဆောင်နှစ်ခုထည့်ထားခဲ့သည်။ သူ့အိတ်ထဲက ပစ္စည်းတွေယူထုတ်လာတယ်လို့ ထင်ရပေမဲ့ တကယ်တမ်းကျတော့ သူ့အဆောင်ထဲက ထုတ်လာတာ ဖြစ်သည်။
"မင်းသိပါတယ်။ ဒါက မကြီးဘူးထင်ရပေမဲ့ ပစ္စည်းတော့ တကယ်အများကြီးဆန့်တယ်"
YOU ARE READING
သုံးလောကလုံး ခြေဦးတည့်ရာ သွားနေတဲ့ အစွန့်ပစ်ခံ သား
Adventure"ကျွန်တော် သူ့ကို လက်ထပ်ချင်တယ်" "သခင်လေးဖန် သူက ချမ်းသာတဲ့ ဒုတိယ မျိုးဆက်၊ တည်ထောင်သူမိသားစုရဲ့ တတိယမျိုးဆက် ပြီးတော့ မြို့တော်မှာ မြင့်မြတ်ပြီး ကျော်ကြားတာနော်။ သူက မင်းကို လက်ထပ်မှာ မဟုတ်ဘူး " "ဘာလို့လဲ ။ ကျွန်တော်က ချောပြီး ထက်မြက်တယ် ခြေလှမ်း...
အခန်း (၂၄)
Start from the beginning