أحببت قوته وقسوته ...
أحببت ضعفه وإحتياجه ...
أضعفتني نظرات إشتياقه ...
فنسيت كِبري وعنادي ...
وفتحت قلبي على مصرعيه ...
أتلقٍى من جديد سهام قسوته ...
~~~~~~~~~~~~~~~~~~~~~~~~~~~~~~~~
إنتصف الليل ...
صعد يحيى إلى غرفته وتحمم وأبدل ملابسه ثم جلس في شرفة غرفته يفكر ويسترجع أحداث اليوم واليوم السابق ...
يحيى لنفسه بتفكير: فادي وعناني طلبوا جميله ورباب!!!!! لا وكمان واضح إنهم بيحبوا بعض من بدري!!!!! أمال كانوا واقفين معاها بيعملوا إيه بالظبط!!!!!! والفرحة إللي كانوا فيها دي ليه!!!!!!! طيب وسليم!!!!! ومين باسم دا كمان!!!!!!!!!!
كان يحيى متحيراً ... قاطع تفكيره صوت بسنت يأتي من خارج المنزل ...
تفقد يحيى الوقت ثم قال بغضب: بتعمل إيه دي بره في وقت زي دا!!!!! وبتتكلم مع مين!!!!!!!
نزل يحيى مسرعاً ليرى مع من تتحدث بسنت ...
كانت بسنت جالسة بالقرب من الإسطبل تتحدث مع شخص ما ...
بسنت بمرح: يعني أزق فادي وأزق عناني .. وإنت مين إللي هيزقك يا منيل -ضحكت بسنت ثم قالت- والله أنا لو عليا ولا عايزة أتزق ولا حاجة .. أنا عايزة بس أخلص الماچستير والدكتوراه وأفتح المركز إللي نفسي فيه .. بلا رجالة بلا وجع قلب
كانت بسنت تتحدث وتضحك دون أن يجيبها أحد ...
إقترب يحيى قليلاً حتى يرى مع من تتحدث ...
إستطردت بسنت: كل ما بقعد معاكم بحس إني في فيلم دايماً معاك وإني فاتن حمامه .. ناقصني محمد فوزي بس
صهل أدهم ومهره ... ضحكت بسنت وهي تربت على أعناقهم ...
بسنت ضاحكة: أنا مش مجنونة .. أنا عايزة محمد فوزي آه .. بس مش عايزة راجل في حياتي مش عايزة أتجوز .. أنا عايزة قصة حب جميله زي الأفلام زي الكارتون زي المسلسلات في خيالي وبس .. عشان لو القصة دي حقيقة ومع راجل مش هلحق أعيشها وكل إللي هاخده إحباااااط وبسسسسسس
ربتت بسنت على عنق أدهم ومهره وبدأت تشدو بصوتٍ عذب ...
طير بينا ياقلبى ولا تقوليش السكه منين
دا حبيبى معايا ماتسالنيش رايحين على فين على فين على فين
روحى إللى تايهه شوفتها إجرى يادنيا وقربى
قابلتها كلمتها مين كان يصدق والنبى
من اليوم ورايح حبنا عمره ماهيغيب عننا
ومن النهارده لميت سنه إنت الحبيب والروح انا
طير بينا ياقلبى ولا تقوليش السكه منين
دا حبيبى معاى ماتسالنيش رايحين على فين على فين على فين
كان يحيى يستمع لها ويستمتع بغنائها ... لكن أهم ما إستمع له هو أحلامها وأفكارها ...
سحبت بسنت الخيل لتدخلهم إلى أمكنتهم ثانية ً ...
بسنت: عارفين رايحين على فين دلوقتي؟ على النوم يا حلوين .. مينفعش تقولوا للباشا صاحب الإسطبل يخف عليا شويه أحسن أنا شكلي هخاطر وأرجع مصر وإللي يحصل يحصل .. تعرف يا أدهم إنت ومهره أنا لحد دلوقتي معرفش مين الچوكي بتاعكم!!!! يعني سليم قالي إن بيسه تبقى بتاعته وتقريباً كان عناني قال إن عنتر بتاع نيره .. ياترى أنتوا بتوع يحيى ويونس وللا بتوع السباقات!!!! مش عايزين تقولوا خلاص براحتكم تصبحوا على خير يا حلوين
YOU ARE READING
أنتِ دوائي
Romanceمن عالمين مختلفين وفي ظروف معقدة يلتقيان ... فتاة بسيطة مسالمة قوية الشخصية حنونة ... تهتم ببناء شخصيتها ومستقبلها العلمي والمهني ... شاب ثري معقد غاضب قاسي لا يثق بأحد مهما كانت صلته به ... غير مبالي بشئ لا يهتم سوى بعمله ... هل يلتقيان عند مكان مش...
