أتعبتني الحياة ...
أرهقت تجاربها قلبي ...
وما وجدت لقلبي دواء سواكِ ...
دمتِ لي طوق نجاة ولقلبي دواء وشفاء ...
~~~~~~~~~~~~~~~~~~~~~~~~~~~~~~~~
إلتفتت كاسندرا تمد يديها تمسك بعنق بسنت متظاهرة بخنقها ...
بسنت: إيه بالراحة في إيه؟
كاسندرا وهي تترك عنق بسنت: الله يسامحك .. إنتي السبب إللي جبتيني هنا وكمان أول واحد أقابله في وشي يكون سليم .. أعمل فيكي إيه؟
بسنت بفضول: لا .. أفهم!!!! إنتي تعرفي سليم منين؟؟؟
كاسندرا وهي تسحبها من يدها : تعالي نقعد وأنا أحكيلك ....... فاكرة أول لما إتعرفنا على بعض وحكيتلك عن الشلة إللي إتراهن إتنين منهم على مين فيهم هيصاحبني ويوقعني قبل التاني
بسنت: آيوه فاكره
كاسندرا: أهو سليم واحد من الإتنين
بسنت متفهمة: اااااه قولتيلي بقى .. وعلى كدا عرفك؟
كاسندرا: لا طبعاً هيعرفني ازاي!!!! وقتها مكنتش محجبة .. لكن دلوقتي الحجاب مخليه مش عارفني وشاكك إنه شافني قبل كدا
بسنت بتفكير: طيب لو عايزة تعتذري مفيش مشكلة وأنا هحاول ألاقي حل تاني
كاسندرا: لا خالص مفيش مشكلة .. أهم حاجة إنه مش عارفني والبركة فيكي وفي إسم سوكا إللي مطلعاه عليا
ضحكت بسنت: أول مرة شفتك كنتي مش عارفة عاملة شعرك إزاي وبتخانقي دبان وشك .. والله كنتي شبه سوكا إللي في الفيلم .. عمومًا أهم حاجة هنصحك بيها إلزقي في سلوى هانم وداده أمينه لزقة التؤام الملتصق .. طول ما هم جنبك محدش هيقدر يفتح عينه أودامك
كاسندرا: تمام يا بسبوسه .. غيره
بسنت: بصي أنا حفهمك حالة ياسين والناس هنا إيه عشان تبقي فاهمة بتتعاملي مع مين وإزاي
أخذت بسنت تشرح لكاسندرا تفاصيل حالة ياسين وتحليلها لشخصيات المنزل ومن يمكن أن يعاونها وكذلك روتينها اليومي مع ياسين وسلوى ...
كاسندرا بتعجب: إنتي شغاله على حالة جدة الولد؟
بسنت: دا كان طلب شخصي من دكتور هيام .. دا غير إن المفروض كمان هشتغل على حالة باباه
كاسندرا بعدم تصديق: بتهزري!!!!! هتشتغلي على حالة يحيى!!!!!! إزاي!!!!!!! مش مستوعبه!!!!!!!!!!!
زفرت بسنت بحيرة: والله ولا أنا .. دا أنا حتى مقربتش ناحيته لسه .. دا مستقصدني في الرايحة والجاية وأنا مجتش ناحيته ولا كلمته .. مش عارفة لو بدأت شغل على حالته هيعمل فيا إيه؟؟؟!!!!
كاسندرا ضاحكة: هياكلك ويقرقش عظمك ويعمل منك شوربه وسكالوب
بسنت: إضحكي إضحكي .. المهم .. عايزاكي تحطي في إعتبارك إني شاكه إن ياسين بيشوف كويس جدًا .. فمتاخديش راحتك أودامه وإنتي معتمده إنه مش بيشوف
كاسندرا بتعج : لا يا شيخه .. تفتكري فعلًا كلامك دا صح؟؟؟؟
بسنت: مش بعيد .. الحالة العضوية إللي متشخص بيها متسببش عمى أصلاً .. حتى العملية دي ملهاش أي لازمه .. الدكاترة هيعملوها عشان يبقوا عملوا إللي عليهم
YOU ARE READING
أنتِ دوائي
Romanceمن عالمين مختلفين وفي ظروف معقدة يلتقيان ... فتاة بسيطة مسالمة قوية الشخصية حنونة ... تهتم ببناء شخصيتها ومستقبلها العلمي والمهني ... شاب ثري معقد غاضب قاسي لا يثق بأحد مهما كانت صلته به ... غير مبالي بشئ لا يهتم سوى بعمله ... هل يلتقيان عند مكان مش...
