ယဲယင်လန်သည် မူလက သူမအဘိုးသည် သူမဘက်ကနေရပ်တည်ပေးလိမ့်မယ်ဟု ထင်ခဲ့သည်။ ဒါပေမဲ့ ယဲတင်းဟုန်၏သဘောထားကြောင့် သူမသည် အဘိုးအပေါ် အားမကိုးနိုင်သည့်အတွက် ယဲဖန်အပေါ် ပို၍ နာကျည်းမှု ပြင်းထန်လာသည်။
.....
ယဲဖန်သည် သွေးဂျင်ဆင်းကို ဂရုတစိုက် ဖြတ်တောက်ကာ အရည်ကိုထုတ်ပြီး အပိုင်းသေး ဆယ်ပိုင်း ခွဲခြားလိုက်၏။ ထို့နောက်ကုတင်ပေါ်တွင် ထိုင်ကာ သူတို့ထဲမှ ဝိညာဥ်စွမ်အားများကို စုပ်ယူတော့သည်။ ဝိညာဥ်စွမ်အားများ သူ့ခန္ဓာကိုယ်ထဲသို့ တိုးဝင်လာသောကြောင့် စိတ်မလှုပ်ရှားပဲ မနေနိုင်ပေ။ သွေးဂျင်ဆင်းတစ်ပိုင်း၏ ဝိညာဥ်စွမ်အားသည် ပုံမှန်အချိန်များတွင် လေး၊ငါးရက်စာ ကျင့်ကြံခြင်းနှင့် ညီမျှပေသည်။ သူက ကျင့်ကြံခြင်း၌ နှစ်မြုပ်နေသည့်အချိန်တွင် တစ်စုံတစ်ယောက်က တံခါးလာခေါက်သောကြောင့် သူသည် ရပ်လိုက်ရသည်။
ယဲဖန်သည် တံခါးကို ဖွင့်ပြီး စိတ်မရှည်စွာ မျက်မှောင်ကြုတ်လိုက်သည် "ဒီကို ဘာလာလုပ်တာလဲ"
"မင်းရဲ့ သဘောထားက ဘာတုန်း"
ယဲဖန်သည် စိတ်မရှည်စွာဖြင့် "တစ်ခုခု ပြောစရာရှိရင်ပြော၊ မရှိရင်လဲပြန်တော့"
ယဲဟုန်ဝမ်သည် သူ့သဘောထားကြောင့် ရူးသွပ်သလို ခံစားလိုက်ရသည် "မင်းညီမကို ဘာလို့ရိုက်ရတာလဲ။ သူမကို ရိုက်ဖို့ ဘယ်သူက ခွင့်ပြုလို့လဲ။ မင်းက တကယ်ကို ပိုပိုပြီး ရဲတင်းလွန်းနေပြီ"
"သူမက ငါ့လမ်းကို လာပိတ်ပြီး ပိုက်ဆံခိုးတယ်လို့ စွပ်စွဲလို့လေ။ ဒါပေါ့ ငါ သူ့ကို ရိုက်လိုက်တယ်။ သူမရဲ့ မကောင်းတဲ့ ပါးစပ်ကြောင့်လေ။ ငါ သူမကို ရိုက်ချင်တယ်လို့ မင်းထင်လား။ အခုတောင် ငါ့လက်က နာကျင်နေတုန်းပဲ" ယဲဖန်က သူ့မေးစေ့ကို ကိုင်ရင်းဖြေလိုက်သည်။
ယဲဟုန်ဝမ်သည် သူ့ကို ကြည့်ပြီး "မင်း... မင်း အဲ့ယွမ်သုံးသန်းကို ဘယ်ကရလာတာလဲ"
ယဲဖန်သည် မျက်လုံးကို ကျဥ်းလိုက်ကာ "ဒါ မင်းပိုက်ဆံတွေ မဟုတ်ဘူး။ ဘာလို့ ဒီလောက်လာမေးနေရတာလဲ။ တခြားမိန်းမနဲ့ လူယုတ်မာနှစ်ယောက်ကို ပြုစုပျိုးထောင်ဖို့ ငါ့အမေရဲ့ အမွေတွေကို သုံးခဲ့ပြီး အခုမှ ငါ့ကို ဘာလို့ဂရုစိုက်နေရတာလဲ"
YOU ARE READING
သုံးလောကလုံး ခြေဦးတည့်ရာ သွားနေတဲ့ အစွန့်ပစ်ခံ သား
Adventure"ကျွန်တော် သူ့ကို လက်ထပ်ချင်တယ်" "သခင်လေးဖန် သူက ချမ်းသာတဲ့ ဒုတိယ မျိုးဆက်၊ တည်ထောင်သူမိသားစုရဲ့ တတိယမျိုးဆက် ပြီးတော့ မြို့တော်မှာ မြင့်မြတ်ပြီး ကျော်ကြားတာနော်။ သူက မင်းကို လက်ထပ်မှာ မဟုတ်ဘူး " "ဘာလို့လဲ ။ ကျွန်တော်က ချောပြီး ထက်မြက်တယ် ခြေလှမ်း...
အခန်း (၁၁)
Start from the beginning