သင်္ခါဟာ လွန်းအား ပျဥ်ထောင်နှစ်ထပ်အိမ်ကြီး၏ရှေ့ ကွတ်ပစ်အကျယ်ကြီးပေါ်တွင်ထိုင်ခိုင်းလိုက်သည်။အစေခံများဟာ သင်္ခါကွတ်ပစ်ပေါ်ထိုင်သည်နှင့် အားလုံးဟာ သင်္ခါ့အားခစားရန် မြေပြင်ပေါ်တွင် နန်းဝတ်နန်းစားများဖြင့်ထိုင်နေကြလေသည်။
''ကိုလွန်း.....ထိုင်ပါ....ရူဝီဒါ့က ခဏနေမှရောက်လာမှာ....သူ့ကိုခဏစောင့်ကြတာပေါ့.....''
''အင်း....ရပါတယ်....ဒီနေရာက စိတ်ဝင်စားဖို့ကောင်းတော့ ဟိုကြည့်ဒီကြည့်ရင်းစောင့်တာပေါ့....''
ထိုစဥ်အသက်ကြီးကြီး ဦးလေးကြီးတစ်ယောက်ဟာ သင်္ခါအားမေးခွန်းတစ်ခုမေးလိုက်လေသည်။
''သခင်ကြီး ဒီတစ်ခေါက်ပြန်လာတာ အရေးကိစ္စအထူးရှိလို့ပါလား ဘုရား....''
''အင်း....ဝီရဒူ....ကျွန်ုပ်ကို ဟိုဘီလူးတွေ အတင်း လာခေါ်ကြတယ်....''
ထိုစကားကြားလိုက်သောအခါ အားလုံးမျက်နှာဟာ ပြာပြာသလဲဖြစ်သွားကြလေသည်။
''ဒီရဲ့ဘီလူးတွေဟာ စည်းမတရားလွန်လာပါပြီ သခင်ကြီးကိုအနုနည်းနဲ့မရတော့ အခုလိုအကြမ်းနည်းတွေပါသုံးလာကြတာ တကယ်ကို အောက်တန်းကျလိုက်တာ....''
''အဲ့တာ နဂါးနက် အရှင်ပရဏဝုရ်ယိဏ်းနဲ့ မြစိမ်းဂဠုန် အရှင်ဝေဿရာဇ် တို့က အဲ့ဒီ့ဘီလူးသုံးကောင်ကို သတ်ပစ်လိုက်လို့ သေသွားပါပြီ....''
''မြစိမ်းရောင်ဂဠုန် အရှင်ဝေဿရာဇ် လူ့လောကမှာပြန်လည်ထွက်ပေါ်လာပြီပေါ့ဘုရား....အဲ့ဒီဂဠုန်စိမ်းထွက်ပေါ်လာတိုင်း နဂါးတိုင်းရဲ့အိမ့်မက်ဆိုးဖြစ်ရတာဘဲ ဘုရား....
''အင်း.....ဒါပေမဲ့ ဒီတစ်ခါတော့ကွဲပြားမယ်ထင်ထားဘဲ....နဂါးအရှင်မြတ်အများစုကလည်း နဂါးပြည်မှာဘဲနေကြကုန်ပြီး လူ့ပြည်မှာတော့ နဂါးမင်းအနည်းငယ်သာရှိတော့တယ်....ဆိုတော့က ဂဠုန်မင်းလည်း အရင်ကလိုမရက်စက်တော့ဘူးလို့ ထင်တာဘဲ....''
သင်္ခါနှင့်ဝီရဒူလို့ခေါ်သည့် ဦးလေးကြီးတို့ပြောသောစကားအား လွန်းအတိုင်းသားကြားနေရသဖြင့် မြစိမ်းရောင်ဂဠုန်အကြောင်းကို စိတ်ဝင်စားသွားလေသည်။
YOU ARE READING
နှောင်းတရိပ်ရိပ် ချစ်ကျွမ်းဝင်
Fantasyဤဖန်တီးမှုသည် စိတ်ကူးယဥ်ဖန်တီးမှုသာဖြစ်ပါသည်။ဤဖန်တီးမှုအတွင်းရှိ ဇာတ်ကောင်များ၊တည်နေရာများ၊နေရာဖွဲ့စည်းတည်ဆောက်ပုံများ စသည့်အရာတို့၏အမည်နာမ အားလုံးဟာ စိတ်ကူးယဥ်ဖန်တီးမှုသာဖြစ်ပါသည်။လက်တွေ့လောကတွင် တကယ်တမ်း တည်ရှိနေခြင်းမရှိပါ။အကယ်၍ အချို့အရာများသည်...