လွန်းနှင့်ပရဏဝုရ်ယိဏ်းတို့စတွေ့သည့်နေ့မှစပြီး အချိန်ဟာ သုံးရက်ကုန်ဆုံးသွားလေသည်။ထိုသုံးရက်လုံးတွင် လွန်းဟာပေါ်မလာခဲ့ချေ။သို့ကြောင့် ပရဏဝုရ်ယိဏ်း ဟာ သူတို့အသစ်ချထားသည့်စည်းဟာ အောင်မြင်သည်ဟုတွေးခဲ့သည်။သို့နှင့် သုံးရက်မြောက် သန်းခေါင်းယံအချိန်တွင် ပရဏဝုရ်ယိဏ်းဟာ ထုံးစံအတိုင်းတောင်ခြေရှိ ချောင်းတွင်ကိုယ်ခန္ဓာကိုဆေးကြောရန် တစ်ဦးတည်း ဆင်းလာခဲ့သည်။
ညအခါသည် အေးချမ်းလှသည်။ရေချောင်းမှရေကျသံဟာ ဝါးတစ်ပြန်စာလောက်ကနေ အတိုင်းသားကြားနေရသည်။ညည့်ဦးယံလေပြေဟာ သစ်ရွက်ကလေးများကို တိုက်ခတ်သွား၍ သစ်ရွက်လှုပ်သံသဲ့သဲ့လည်းကြားနေရသည်။ပရဏဝုရ်ယိဏ်း ရေချိုးနေကျနေရာသည် ရေချောင်း၏အနောက်ဘက်တွင်ဖြစ်ပြီး အနည်းငယ် ကျယ်ဝန်းသည်။ချောင်းဟာ တောင်ပေါ်ကနေ အကွေ့အကောက်များနှင့် စီးဆင်းလာရင်း တောင်ခြေရောက်သည့်အခါ အနောက်မြောက်သို့အနည်းငယ်ကွေးသွားပြီး နောက်ဆုံးမှာတော့ ရွာထိပ်မှစ၍ အနောက်သို့စီးဆင်းသွားလေသည်။ထို့အပြင် ရေချိုး၊ရေကူးရန်ရည်ရွယ်ကာ ချောင်းအားအနောက်ဘက်သို့အနည်းငယ်ချဲ့၍ ကန်သဖွယ်တူအောင် ဘေးမှ ကျောက်တုံးအနည်းငယ်စီတန်းထားလေသည်။
ယိဏ်းသည် ကိုယ်မှအသုံးအဆောင်များကို ချွတ်၍ ချောင်းစပ်ရှိ ရေအိုင်ထဲသို့အသာယာဆင်းလိုက်လေသည်။ညည့်ဦးယံသန်းခေါင်ချိန်ဖြစ်သည်နှင့်အမျှ တောခွေးတို့ဟောင်သံဟာလည်း အဝေးမှတစ်ချက်တစ်ချက်ကြားရလေသည်။ယိဏ်းသည် ကျောက်တုံးကြီးတစ်ခုကိုမှီ၍ ကောင်းကင်ယံရှိလမင်းကြီးကိုကြည့်နေလေသည်။ကောင်းကင်တွင် ကြယ်ကလေးများဟာလည်း မှိတ်တုတ်မှတ်တုတ်နှင့် လင်းနေကြသည်။လရောင်၏အောက်တွင် ယိဏ်း၏ဖြူဖွေးသောပုခုံးဟာ ရေများတင်ကျန်နေသဖြင့် တစ်ချက်တစ်ချက် လက်လက်သွားသည်။ အမှောင်ထဲတွင် ယိဏ်း၏အညိုရောင်မျက်ဝန်းများဟာ လရောင်ကြောင့် အရောင်လဲ့ကာရွန်းလက်နေသယောင်။မည်သူမျှမရှိသောထိုအချိန်ထိုနေရာတွင် ကိုယ်ခန္ဓာလာရောက်သန့်စင်ရခြင်းကို ယိဏ်းအင်မတန်နှစ်သက်လေသည်။ယိဏ်း၏ ထိုအေးချမ်းလှသောအချိန်လေးအား အဆုံးသတ်ရန်အကြောင်းဖန်လာခဲ့လေသည်။
JE LEEST
နှောင်းတရိပ်ရိပ် ချစ်ကျွမ်းဝင်
Fantasyဤဖန်တီးမှုသည် စိတ်ကူးယဥ်ဖန်တီးမှုသာဖြစ်ပါသည်။ဤဖန်တီးမှုအတွင်းရှိ ဇာတ်ကောင်များ၊တည်နေရာများ၊နေရာဖွဲ့စည်းတည်ဆောက်ပုံများ စသည့်အရာတို့၏အမည်နာမ အားလုံးဟာ စိတ်ကူးယဥ်ဖန်တီးမှုသာဖြစ်ပါသည်။လက်တွေ့လောကတွင် တကယ်တမ်း တည်ရှိနေခြင်းမရှိပါ။အကယ်၍ အချို့အရာများသည်...
