『Unicode』အခန်း ( ၆၆ ) : မင်းက သနားစရာကောင်းတဲ့ ငန်းဖြူပဲ။
※※※※※※※※※※※※※※※※※※※※
စာသင်ခန်းပြတင်းပေါက်မှ ငုံ့ကြည့်လျှင် ရန်ချင်းကျွမ်း၏ ပြုံးနေသော မျက်နှာကို မြင်ရသည် ; ဘက်စကတ်ဘောကွင်းထဲမှ သန်မာလှသည့်ပုံရိပ် ; လူမရှိသောစာသင်ခန်းတွင် ကြောင်စီစီနှင့် မေးထောက်ထားသော ယောက်ျားလေး ; ဖြူဖျော့နေသော မျက်နှာဖြင့် ဆေးရုံကုတင်ထက်တွင် လှဲနေခြင်း ; ကျွန်တော် သေနတ်ပစ်ချိန်မှာ တောင့်တင်းနေသော ရင်ဘတ်နှင့် ကျောကိုကပ်၍ ဘယ်လိုခလုတ်ဆွဲရမလဲ သင်ပေးနေခြင်း.....
ဒါကို အိပ်မက်လ်ို့ ခေါ်လို့ရသလား ကျွန်တော် မသေချာပါ။ ကျွန်တော်ဟာ ရန်ချင်းကျွမ်းအကြောင်းကို ထပ်ခါတလဲလဲစဉ်းစားမိနေသည်။ မတူညီသောကာလအပိုင်းအခြားတွေက သူ ၊ မတူညီသော မြင်ကွင်းတွေဆီက သူ။နောက်ဆုံး သူကျင်ချန်ယွီကို စကားပြောနေသည့် မြင်ကွင်းမှာရပ်တန့်သွား၏ ; ကျွန်တော့်ဘဝကို ဓားသုံးချက်သုံးပြီး ဖလှယ်မယ်။
ဓားက လက်ဖဝါးကို ထိုးဖောက်သွားခိုက် ကျွန်တော့်ရင်မှာ တင်းကျပ်သွားကာ ရုတ်တရက် အိပ်နေရာမှ လန့်နိုးလာခဲ့တော့သည်။
တောက်ပသောအလင်းတန်းသည် လိုက်ကာကြား အဟ,မှ ဖြတ်ဝင်လာပြီး အပြင်ဘက်မှ ငှက်တို့၏ ကျီကျီကျာကျာအသံတွေကိုလဲ ကျွန်တော် ကြားနေရသည်။ ကျွန်တော် မျက်တောင်ခတ်လိုက်မိလျက်။ အိပ်မက်ပါအကြောင်းအရာကြောင့်အချိန်အတော်ကြာတိုင် နှလုံးခုန်သံတွေက မငြိမ်သက်နိုင်ခဲ့ပေ။
ကျွန်တော် ဖြည်းဖြည်းချင်းထထိုင်လိုက်လျှင် ပုခုံးမှ စောင်ပါးလေးက လျှောကျသွား၏။ ပတ်ပတ်လည်ကို ဝေ့ဝဲကြည့်မိရင်း မှတ်ဉာဏ်တွေကပြန်လည်ပေါ်ပေါက်လာကာ လုပ်ခဲ့မိသော အလုပ်ကောင်းများကို စတင် တွေးမိလာတော့သည်။
ကျွန်တော် မျက်နှာကိုအုပ်လိုက်မိရင်း ငယ်ထိပ်မှ ခြေဖျားအထိ ပူလောင်လာသကဲ့သို့ ခံစားလိုက်ရသည်။ ရှက်လွန်းလို့ ဒီအခြေအနေအထိ ဘယ်လိုရောက်သွားသလဲဆိုတာကိုပင် နားမလည်နိုင်တော့ပေ.....
YOU ARE READING
အတ္တစိတ် || ဘာသာပြန် ||『Completed』
Romance" ငါ ခွေးကို ကြည့်နေခဲ့တာမဟုတ်ပါဘူး။ ငါကြည့်နေခဲ့တာက မင်း " This is Fan Translation.