『Unicode』
အခန်း ( ၁၂ ) : ကျွန်တော် သတိရှိတာ မလုံလောက်သေးလို့ပဲ။
※※※※※※※※※※※※※※※※※※※
၎င်းနောက် ကျွန်တော် သခင်လေးနှင့် ကြောင်နှင့်ကြွက်ဆော့နေတာကို ရပ်လိုက်တော့သည်။ ကြောင်ဖြစ်ရမည့်အစားကြွက်ဖြစ်သွားရမှာကို ကျွန်တော် ကြောက်မိသည်လေ။
ကျွန်းပေါ်မှာ အလုပ်လုပ်ရသည်က အမှန်တကယ် အေးအေးလူလူရှိလှ၏။ လက်ဖက်ရည်သောက်ချိန်အပါအဝင် ကြားရက်တွေမှာ Celloသင်ခန်းစာချိန်က တစ်နာရီ နှစ်နာရီမျှသာ။ စနေနေ့တွင်လည်း နောက်ထပ် အားရက်ပေးထားသည်မို့ကျွန်းမှာနေချင်နေ ၊ ချုန်းဟိုင် ပြန်ချင်ပြန် မိမိကြိုက်သလို စီမံနိုင်သည်။
မူလက ကျွန်တော် rosinနှင့် ကြိုးတွေဝယ်ရန် စနေနေ့၌ ကျွန်းမှ ထွက်ခွာရန် ပြင်ထားသော်လည်း နေ့လယ်စာစားပြီးနောက် ထွက်သွားမည်အပြု ရုတ်တရက်ကြီး နန်ရှန်ထံမှ မက်ဆေ့ချ်တစ်စောင်ရခဲ့သည်။ သူက ကေသရာဇာကျွန်း ၊ ဟယ့်လျန် အပန်းဖြေစခန်းသို့ ရောက်နေပြီး တစ်ဖက်မှာ ကျွန်တော့်ကို တွေ့နိုင်ဖို့ မျှော်လင့်ကြောင်းပါပင်။
ချန်ချောင် ကျွန်တော့်ကို ကျွန်း၏ ရှုခင်းတွေ လိုက်ပြစဉ်က ကျွန်တော် ဓာတ်ပုံရိုက်ပြီး Momentsမှာ တင်ခဲ့သည်။ လေထုက ကောင်းမွန်ပြီး အလုပ်လုပ်၊နေထိုင်ဖို့အတွက် သင့်တော်ကြောင်း ပြောခဲ့သေး၏။ ဤသည်မှ နန်ရှန်က ကျွန်တော့်၏တည်နေရာကို သိသွားသည်ထင်သည်။
အလုပ်အားရက်၌ ချန်ချောင်ကို ကားမောင်းခိုင်း၍ အနှောင့်အယှက်မပေးလိုတာကြောင့် ကျွန်တော် ကျွန်း၏အသွားအပြန်ရှိသည့် ဘတ်စ်ကားကိုစီး၍ အရှေ့သို့ရောက်လာခဲ့သည်။
ဘတ်စ်ကားက ဟယ့်လျန် အပန်းဖြေစခန်းအပေါက်ဝမှာ ရပ်သွားခဲ့သည်။ ဘတ်စ်ကားပေါ်မှ ဆင်းလိုက်သည်နှင့်မော့ကြည့်လိုက်လျှင် ကာစီနိူ၏ ရွှေရောင်တံခါးပေါက်ကြီးကို မြင်လိုက်ရသည်။
" မင်း ဘယ်မှာလဲ ? " ကျွန်တော် နန်ရှန်ဖုန်းကို ဆက်ကြည့်လိုက်သည်။
YOU ARE READING
အတ္တစိတ် || ဘာသာပြန် ||『Completed』
Romance" ငါ ခွေးကို ကြည့်နေခဲ့တာမဟုတ်ပါဘူး။ ငါကြည့်နေခဲ့တာက မင်း " This is Fan Translation.