『Unicode』
အခန်း ( ၅၂ ) : ဓားသုံးလက်နှင့် အပေါက်ခြောက်ပေါက်။
※※※※※※※※※※※※※※※※※※※※
Warning / Self-harming
သေနတ်သံက အချိန်အတော်ကြာ ထွက်မလာခဲ့။ယင်းအစား ရန်ချင်းကျွမ်း၏ သက်ပြင်းချသံတစ်ချက်သာ ထွက်လာခဲ့သည်။
" မင်းဘာလို့....ငါ မင်းကို ပစ်လိမ့်မယ်လို့တွေးရတာလဲ ? "
ကျွန်တော် ရုတ်ခြည်း မျက်လုံးဖွင့်ကြည့်လိုက်ရာ သူသည် သေနတ်ပြောင်းကို မြှောက်၍ ကျွန်တော့်ဘယ်ဘက်ရှိ လူရှည်ကြီးကို ချိန်ပြီး မတွေးမတောပဲ ခလုတ်ကို ဆွဲလိုက်၏။
သေနတ်ပြောင်းရင်းမှ ကျည်မထွက်လာခဲ့။ သူ သေနတ်ကို နှစ်ကြိမ်မျှ ဆွဲလိုက်သော်လည်း ကျည်ကထွက်မလာသေးပေ။ရန်ချင်းကျွမ်းသည် လက်ထဲက သေနတ်ကို တစ်ချက်ကြည့်၍ ကိစ္စတစ်ခုလုံးကို ချက်ချင်းနားလည်သွားပုံပင်။
သူ့နောက်မှ ခုံထန်က နောက်ထပ်သေနတ်တစ်လက်ကို မြှောက်၍ ရန်ချင်းကျွမ်း၏ နောက်စေ့ကို ချိန်လိုက်သည်။
" မှန်းကြည့် ၊ ဒီသေနတ်ထဲမှာရောကျည်ရှိလားလို့ ? " သူက ပြော၍ safety ကိုဖွင့်လိုက်ပြီး အချိန်မရွေး၊နေရာမရွေးခလုတ်ဆွဲလိုက်တော့မည့်နှယ်။
" မလုပ်နဲ့ ! "
ကျွန်တော် ရုန်း၍ထလိုက်ပေမယ့် ကျွန်တော့်ကို ဖိထားသောလူက အလွန်သန်မာပြီး ပို၍ပြင်းထန်စွာ ဖိတွန်းလိုက်ရာ ဒူးကမြေပေါ်ညွှတ်ကျလျက် ကျောပြင်က ခုံးသွား၏။ ထိုအခိုက်ဝယ် ကျွန်တော့်အဖို့ ခေါင်းပင်မော့ဖို့ ခက်ခဲခဲ့လေပြီ။
ရုတ်တရက် လက်ခုပ်သံထွက်ပေါ်လာ၏။ ကျင်ချန်ယွီက လက်ခုပ်တီးရင်း ပြုံးကာဆိုသည် : " ထိရှပါပေတယ်။ လောင်ယောင် မင်းတကယ် ငါ့ကိုရှိုးကောင်းကောင်းလေး ဖန်တီးပေးတာပဲ "
ခုံထန်က သေနတ်ကိုမြှောက်၍ ရန်ချင်းကျွမ်းကို လှည့်ဖို့ အမိန့်ပေးလာသည်။
आप पढ़ रहे हैं
အတ္တစိတ် || ဘာသာပြန် ||『Completed』
रोमांस" ငါ ခွေးကို ကြည့်နေခဲ့တာမဟုတ်ပါဘူး။ ငါကြည့်နေခဲ့တာက မင်း " This is Fan Translation.
