『Unicode』
အခန်း ( ၂ ) : ကျွန်တော်သူ့ကို လွှတ်မပေးရင် သူ ကျွန်တော့်ကို ရိုက်တော့မှာ။
※※※※※※※※※※※※※※※※※※※※
ဝဋ်ဆိုတဲ့ နိယာမကို ကျွန်တော် အမြဲတမ်း ယုံကြည်ခဲ့သည်။ ဆီလျော်တဲ့ ဒဏ်ခတ်မှုတွေလည်း အပါအဝင်ပေါ့။ လောင်ကျိ၏ သေဆုံးမှုနှင့် ကျွန်တော့်၏နာမကျန်းဖြစ်ခြင်းတွေက ဒီသဘောတရားရဲ့ အကောင်းဆုံး ဥပမာတွေဖြစ်နေသည်ကိုး။
လောင်ကျိတစ်ယောက် သူ့အိမ်ထောင်ရေးနှင့် မိသားစုကို သစ္စာဖောက်ခဲ့တာကြောင့် မြင်ရှု့မကောင်းအောင် သေဆုံးသွားရတာက သူ၏ဝဋ်လည်ခြင်းတရား။ ကျွန်တော်..... လည်းပဲ မလုပ်သင့်တဲ့ အရာကို လုပ်ခဲ့မိတာမို့ ဘုရားဆီကနေ ဒီလိုနည်းနှင့် အပြစ်ပေးခံရတာဖြစ်သည်။ ဒါကြောင့် ကျွန်တော့်အတွက် မတရားသလိုလဲ မခံစားရသလို ကောင်းကင်ဘုံနှင့်တခြားအရာတွေကို အပြစ်မတင်နိုင်ခဲ့။ တမျိုးပြောင်းပြောရရင် " မျှော်လင့်တဲ့အတိုင်း နောက်ဆုံးမှာ ရောက်လာပါပြီ " ဟူသော တမျိူးတမည် ခံစားချက်လို့ ဆိုရမည်။
ငယ်ငယ်ကတည်းက အမေက ကျွန်တော်နှင့် ပတ်သတ်ရင် အလွန်တင်းကြပ်ခဲ့သည်။ နောက်ပိုင်း အဖေဆုံးသွားပြီး တစ်မိသားစုလုံး သူမ ပခုံးပေါ်ရောက်လာသောအခါ သူမက ပိုလို့တောင် စည်းကမ်းကြီးလာခဲ့ပြီး ကျွန်တော့်အပေါ်မှာလဲမျှော်လင့်ချက်တွေ မြင့်သထက်မြင့်လာတော့၏။
လေးနှစ်အရွယ်ကတည်းက ကျွန်တော် Celloကို စသင်ယူခဲ့တာဖြစ်သည်။ ထိုစဉ်က အဖေကလဲရှိဆဲ ၊ မိသားစုအခြေအနေကလဲ အရမ်းမဆိုးသေးသည်မို့ ရသခံစားကြည့်သလို စိတ်မျိုးမွေးပြီး တူရိယာကိုကောက်ကိုင်ကြည့်မိတာက ကိစ္စမဟုတ်ခဲ့ပေ။ သို့သော် မိသားစုမှာ အမေတစ်ယောက်တည်း ထောက်တိုင်အဖြစ် ကျန်ရစ်တော့တဲ့အခါ ကျွန်တော်တို့ မိသားစုဝင်ငွေက သိသိသာသာကိုပဲ လျှော့ကျသွားခဲ့ရသည်။ နဂိုတုန်းက ကျွန်တော်အဖို့ ပိုက်ဆံ-ဖြုန်းမဲ့ တူရိယာတွေနဲ့ ဆက်ပြီးမသင်ချင်တော့သည့်တိုင် အမေက ကျွန်တော့်ကို ထွက်ခွင့်မပြုခဲ့ပေ။
![](https://img.wattpad.com/cover/350287068-288-k454681.jpg)
YOU ARE READING
အတ္တစိတ် || ဘာသာပြန် ||『Completed』
Romance" ငါ ခွေးကို ကြည့်နေခဲ့တာမဟုတ်ပါဘူး။ ငါကြည့်နေခဲ့တာက မင်း " This is Fan Translation.