『Unicode 』
အခန်း ( ၄၉ ) : မင်း ကောင်းကောင်းလုပ်ခဲ့တယ်။
※※※※※※※※※※※※※※※※※※※※
" ၁၀၀% ! "
ရေတွက်ချိန် ၅စက္ကန့်သို့ရောက်လာသောအခါ လှုပ်ဆောင်မှုဘားတန်းက ပြည့်သွား၏။ သို့သော် ရန်ချင်းကျွမ်းသည်လုံခြုံရေးကိုပြန်တပ်ပြီး လျှို့ဝှက်လမ်းသို့ ပြန်ပြေးလာဖို့လိုသေးသည်။ နောက်ဆုံး ၅စက္ကန့်က ဘယ်လိုမှ မလောက်ပါချေ။
ချွေးစေးတွေက လက်ဖဝါးမှ လက်ဖျားသို့ စီးကျပြီး သီချင်းသံကလဲ တဖြည်းဖြည်းတိမ်ကောကာ နားစည်ထဲမှာ လေးလံသည့်အသက်ရှုသံနှင့်သာ ပြည့်လျှမ်းလျက်။ ၎င်းသည် ကျွန်တော့်ကိုယ်တိုင်၏အသံလား ၊ ရန်ချင်းကျွမ်း၏ အသံလား ၊Brood၏ အသံလား မပြောနိုင်တော့။ စက္ကန့်တိုင်းက ရာစုနှစ်တစ်ခုစာမျှ ရှည်လျားနေခဲ့၏။
" ငါ အုပ်ချုပ်ရေးစနစ်ကို ဟက်ခ့်ထားတယ်။လောလောဆယ်တော့ သူတို့ မင်းကို ရှာတွေ့မှာမဟုတ်ဘူး "
Brood က မြန်မြန်ဆိုသည်။ " မြန်မြန်ထွက်တော့ ၊ ငါကြာကြာခံမှာမဟုတ်ဘူး ! "
၅စက္ကန့်ကုန်သွားသော်ငြား အချိန်ဖြည့်ပေးထားသော Brood ၏ကျေးဇူးကြောင့် လုံခြုံရေးစနစ်က ငြိမ်နေဆဲဖြစ်ကာပြန်လည်မစတင်သေးပေ။
ရန်ချင်းကျွမ်း၏ ဖက်မှာတော့ တိတ်ဆိတ်လျက်။ အသံအရ သူ လုံခြုံရေးပြန်တပ်နေပုံပေါ်၏။
ဆယ်စက္ကန့်အပြိီးတွင်တော့ Brood ၏ တစ်ဖက်မှ ကီးဘုတ်သည် မီးပွင့်တော့မတတ် အမြန်နှုန်းနှင့်ရိုက်နေခဲ့သည် : " ငါ့ကိုရှာတွေ့ခံရတော့မယ်။ သုံးစက္ကန့်အတွင်း ချိတ်ဆက်မှုပြတ်တောက်မယ် ၊ ၃ , ၂ , ၁...... "
စကားဆုံးသည်နှင့် နားကြပ်က အလွန်တရာတိတ်ကျသွားကာ ၊ အသက်ရှုသံပင် ပျောက်ကွယ်သွားတော့သည်။
ကျွန်တော် နှုတ်ခမ်းတွေတုန်ယင်လျက် နားကြပ်ကိုဖိထားမိပြီး တစ်ဖက်မှ အသံသေးသေးလေးကိုပင် လွတ်ခွင့်မပေး။
ကျွန်တော့်ခေါင်းထက်မှာ ဓားကြီးရွယ်ထား၏။ ကျွန်တော်မပုန်းမရှောင်နိုင် ၊ တုန်ယင်လျက်ဖြင့်သာ ဓားကျမှာကို စောင့်နေနိုင်သည်။
YOU ARE READING
အတ္တစိတ် || ဘာသာပြန် ||『Completed』
Romance" ငါ ခွေးကို ကြည့်နေခဲ့တာမဟုတ်ပါဘူး။ ငါကြည့်နေခဲ့တာက မင်း " This is Fan Translation.