အတ္တစိတ် || ဘာသာပြန် ||『Completed』

Chapter - 61

ကားထဲမှ ထွက်သည်နှင့် ကျွန်တော် ကားနောက်ကို တန်းသွားလိုက်ပြီး အထူးရဲမယူခင် ကျွန်တော် ခရီးဆောင်အိတ်ကိုကားထဲမှ ထုတ်လိုက်​၏။

တံခါးက ဟနေ၍ ကျွန်တော် ပုခုံးနှင့်တွန်းဖွင့်လိုက်သည်။ကျွန်တော် အခန်းထဲရောက်လျှင်ရောက်ချင်း တစ်စုံတစ်ယောက်က ခါးထောက်လျက် ဧည့်ခန်းထဲမှာရပ်မေတာကို တွေ့လိုက်ရလေသည်။

ဆူသံကြားလျှင် တစ်ဖက်လူက လှည့်လာ​၏။သူ့၌ မျက်နှာဝိုင်းဝိုင်း ၊ မျက်လုံးဝိုင်းဝိုင်းများရှိသည်။ ပြုံးလိုက်ပါက ပါးပေါ်မှာလည်း ပါးချိုင့်နှစ်ဖက်နှင့်။ အသက်ပြောမပြသော ကလေးမျက်နှာလေးအား ပိုင်ဆိုင်ထားခြင်းပါပေ။

"... ထောင်နျန် ? " ကျွန်တော် တံခါးမှာရပ်ရင်း ကြောင်သွား​၏။

ထိုညက လုံးဝဂယက်ပင်။ အဆုံး၌ ကျွန်တော်ဟာ ရန်ချင်းကျွမ်း​၏ လူနာတင်ကားနှင့် ဆေးရုံသို့လိုက်သွားခဲ့သည်။အလျင်လိုနေခဲ့သဖြင့် သူ့ကို ကျေးဇူးတင်ချိန်ပင် မရလိုက်။ သူ့ကို ထပ်တွေ့နိုင်ခွင့်မရတော့ဘူးဟုထင်ခဲ့မိသော်လည်း မမျှော်လင့်ပါဘဲ ဒီမှာ ထပ်ဆုံတွေ့ရခဲ့သည်။

" အစ်ကိုတို့ရောက်ပြီပဲ " သူက နဖူးမှ ချွေးကို သုတ်လျက် ပြုံးရင်းဆိုသည်။ " ကျွန်တော် သန့်ရှင်းနေတာကြာပေါ့ "

အဖွဲ့နှစ်ဖွဲ့တွင် အထူးရဲအရာရှိလေးယောက်ရှိရာ ထောင်နျန်က အနှီလေးယောက်​၏ ခေါင်းဆောင်ဖြစ်​၏။

" မောက်ပင် ၊ ကျန်းချင် ၊ ဝေ့တကျီ " ထောင်နျန်က သူ့အဖွဲ့ဝင်တွေကို တစ်ယောက်ချင်းမိတ်ဆက်ပေး​၏။

မောက်ပင်က ရန်ချင်းကျွမ်းကို ကူ၍ ပထမထပ်ရှိ တစ်ခုတည်းသော အိပ်ခန်းအတွင်းသို့ ဝင်သွားကြသည်။ ကျန့်ချင်ကခရီးဆောင်အိတ်ကို ဝီးချဲလ်ပေါ်တင်၍ တွန်းသွား​၏။ ဝေ့တကျီသည် ယခု ဒရိုင်ဘာပင်။ သူက အိမ်ထဲရောက်ရောက်ချင်းထောင်နျန်အား ကားသော့ပေးလိုက်သည်။

ထောင်နျန်က ယူလိုက်ပြီး သူ့အိတ်ထောင်ထဲမှ ပိုသေးသော ကားသော့ကိုထုတ်ကာ ကျွန်တော့်ကို ပစ်ပေးလာ​၏ : " ကားဂိုဒေါင်ထဲက ကားက အစ်ကို့တို့အတွက်ပါ။ မြို့ထဲသွားမယ်ဆိုရင် အဲ့ဒါကို မောင်းသွားလို့ရတယ်။ ကေသရာဇာကျွန်းမှာရှိတဲ့ ကိုယ်ရေးကိုယ်တာပစ္စည်းတွေ အားလုံးဒီကိုရွှေ့ပြီးပြီ။ တစ်ခုခုပျောက်တာရှိသေးရင် ကျွန်တော် နောက်မှ တစ်ယောက်ကိုရှာပေးဖို့ လွှတ်ပေးမယ် "