" ဟုတ်ကဲ့ပါ မမ .. "
X X X X X
မျက်လုံးထဲ ဝိုးတဝါးဝင်ရောက်လာတဲ့ စူးရှရှမီးအလင်းရောင်ကြောင့် ချစ်သက်လွှာ မျက်တောင်ကို ပုတ်ခတ်ကစားနေမိသည်။
" သတိရလာပြီလား သက်လွှာ ... ဘယ်လိုနေသေးလဲ ? "
ညင်သာစွာ နားထဲသို့ တိုးဝှေ့ဝင်ရောက်လာသည့်အသံဟာ မေတ္တာဓာတ်အပြည့်ဖြင့်ပင်။ သို့ပေမဲ့ သိမ်မွေ့ထည်ဆိုတဲ့ အမျိုးသမီးဆီကနေတော့ ချစ်သက်လွှာ ထိုမေတ္တာတွေကို မလိုချင်ခဲ့ပါ။
" ရှင့်မျက်နှာကိုမြင်ရပြီး စိတ်အနှောက်အယှက်ဖြစ်သွားတာကလွဲလို့ ကျန်တာအကုန်အဆင်ပြေတယ် "
သူပြောလိုက်တော့ ထိုအမျိုးသမီးရဲ့ တောက်ပနေတဲ့ မျက်ဝန်းညိုတွေထဲ၌ ဝမ်းနည်းသည့် အရိပ်အယောင် အနည်းငယ်ဖုံးလွှမ်းလို့သွားသည်။ သို့ပေမဲ့ တစ်စက္ကန့်မျှသာ။ အဲ့ဒီနောက်တွင်တော့ ထိုအမျိုးသမီးက သူ့ကို ပြုံးပြ၏။ မုန်းသည်။ ထိုအမျိုးသမီးရဲ့ အပြုံးတွေဟာ ဘယ်လောက်ပင်လှနေပါစေ .. သူ့ကိုခနဲ့နေသည်ဟု ခံစားရတာကြောင့် ထိုလှပသည့် အပြုံးကို သူအင်မတန်မှကို မုန်းပါသည်။
" အသံက မာသေးသားပဲ။ သိပ်မဆိုးလှပါဘူး .. နေဦး တို့ဆရာဝန်ခေါ်ပေးမယ် "
သူ့ကို ပြုံးပြုံးလေးပြောပြီးတဲ့နောက်တွင် ခုတင်ခေါင်းရင်းနားမှာရှိနေသည့် ခလုပ်ကို နှိပ်နိုင်ဖို့အတွက် ဒေါ်သိမ်မွေ့ထည်ဟာ ခက်ခက်ခဲခဲ ကြိုးစားနေပါသည်။ ခလုပ်က လက်တစ်လှမ်းထက်ပိုမြင့်နေသဖြင့် သူမအတွက် အခက်တွေ့နေသည်လေ။
" sorry ... ဆရာဝန်ခေါ်ဖို့အတွက် ခလုပ်ကိုနှိပ်ဖို့ တို့လက်နဲ့မမီဘူးဖြစ်နေတယ်။ မင်းအခုဘယ်လိုနေလဲ ခေါင်းတအားကိုက်နေသေးလား။ ဒါမှမဟုတ် ကိုယ်တွေလက်တွေ နာကျင်ကိုက်ခဲနေသလား "
ဂရုဏာသက်သည့် မျက်ဝန်းတွေနဲ့ ကြည့်ရင်း သက်လွှာကို သိမ်မွေ့ထည် မေးလိုက်တော့ သက်လွှာက မကြားဟန်ဆောင်ပြီး နံရံဘက်သို့ လှည့်သွား၏။ သိမ်မွေ့ထည်ကို မျက်နှာချင်းမဆိုင်လို၍ ကျောပေးထားခြင်းပင်။ သက်လွှာရဲ့စကားနဲ့ အပြုအမှုတွေက သိမ်မွေ့ထည်ရဲ့ စိတ်ကို အနည်းငယ်တော့ နာကျင်စေသည်။ မည်သူ့ရဲ့ အပြုအမှု၊ စကားကြောင့်မှ ဝမ်းမနည်းဖူးခဲ့သည့် သိမ်မွေ့ထည်ဟာ ချစ်သက်လွှာဆိုတဲ့ ကောင်မလေးတစ်ယောက်ကြောင့် ဝမ်းနည်းဖူးခဲ့ရလေပြီ။
YOU ARE READING
Elegant
Romanceလှပကြော့ရှင်းသော ချစ်ခြင်းမေတ္တာသည် အမုန်းတရားမှ စတင်ပေါက်ဖွားလာခြင်းဖြစ်၏။ Own Creation by Moe(JE Rain)
3 (Unicode)
Start from the beginning
