Unicode
ထိုကောင်မလေးနှင့်ပတ်သက်ပြီးမေးရန်သင့်မသင့်ကိုစဉ်းစားနေမိသည်။စိတ်ထဲထင်နေမိသည့်အရာက သုရဲ့တစ်ဖက်သတ်အတွေးဖြစ်နေမှာလည်းစိုးမိ၏။အကယ်၍ ထင်သလိုများအမှန်တကယ်ဖြစ်နေခဲ့ရင်တော့ အချိန်မီတားဆီးရလိမ့်မည်။
"ညီမလေးဆု "
"ဪ..မမသု"
"ထိုင်မယ်နော်"
"ဟုတ် ထိုင်လေမမသု ..လာ ဒီဘက်တိုး"
ဆုဆု မမသုထိုင်ရန် ဘေးကပ်ပေးလိုက်၏။"ပန်းကိုမေးတော့ညီမလေးဆုက ခြံထဲမှာဆိုလို့လိုက်လာတာ"
"ဟုတ် ..ဟိုလေမမသု..တစ်ခုခုပြောစရာများရှိလို့လားမသိဘူး"
"အဟင်း...ဆိုပါတော့"
"ဟုတ်..ဘာပြောစရာရှိလို့လဲဟင်"
ဆုဆုကထိုသို့မေးလိုက်တော့ သုဘက်ကခဏတိတ်ဆိတ်သွားကာ တစ်ခုခုကိုစဉ်းစားဟန်ပြုလိုက်၏။
"မမသုမေးတာကို မှန်မှန်ဖြေပေးနော်...ပြီးတော့ မမသုပြောတာကိုဘယ်သူ့ကိုမှပြန်မပြောရဘူး"
"ဟမ်"
"မမသု သိချင်တာအကြင်နာ့အကြောင်းပါ..
ညီမလေးဆု မမသုမွေးနေ့တုန်းက သူ့အကြောင်းမမသုကိုပြောချင်ခဲ့တာမလား. ဒါပေမဲ့မပြောဖြစ်လိုက်ဘူးလေ..အခုအဲ့ဒီညကမပြောဖြစ်လိုက်တဲ့အကြောင်းကိုသိချင်တာပါ"ဆုဆုမှာအခက်တွေ့တော့၏။မမသုမွေးနေ့တုန်းကအမူးလွန်ပြီးအကြင်နာနဲ့ပတ်သက်တဲ့အကြောင်းတွေပြောဖို့လုပ်ခဲ့ကြောင်းကို နောက်ရက်မှမမပန်းပြန်ပြောမှသိခဲ့ရသည်။နောက်တစ်ခါလည်း ဒီလိုအဖြစ်မျိုးမလုပ်မိစေဖို့ အကြိမ်ကြိမ်သတိပေးတာကိုခံလိုက်ရသည်။တကယ်တော့အဲ့ဒီညက အသိစိတ်လွတ်သွား၍သာ ပြောဖို့ရည်ရွယ်မိခဲ့ခြင်းဖြစ်သည်။မမသုကယခုလိုတစ်ဖန်မေးလာ
လိမ့်မယ်လို့တော့တွေးမထားခဲ့ပါ။
အခုမှတော့မဖြေချင်တော့ပါ။ကာယကံရှင်အကြင်နာကိုယ်တိုင်မသိစေချင်သောကြောင့်ဆုဆုအားအကြိမ်ကြိမ်တောင်းဆိုခဲ့ခြင်းကိုလည်းသတိရမိသည်။"အဲ့ဒီညက သမီးကမူးနေတာလေ ..ဘယ်မှတ်မိတော့ပါ့မလဲ မမသုရဲ့"
ဆုဆုကသုကိုမကြည့်ဘဲ ဟိုကြည့်သည်ကြည့်နှင့်ဖြေနေ၏။
DU LIEST GERADE
ချစ်သော အကြင်နာ(Completed)
Romantikမေတ္တာတွေသာ စစ်မှန်ခဲ့ရင်အသွားအပြန်ရှိနိုင်သလား။မေတ္တာတွေကရောင်ပြန်ဟပ်သလား။ မေတ္တာတွေကစူးတတ်သလား။ မေတ္တာတွေသာစူးခဲ့ရင် ပြန်နှုတ်လို့ရနိုင်ပါ့မလား။ အမုန်းတွေကရောအချစ်အဖြစ်ပြောင်းလဲလာနိုင်လား။အချစ်ကနေ အမုန်းဘက်ကိုပြောင်းသွားနိုင်လား။