Unicode
အကြင်နာ အခုရက်ပိုင်းမမရှိရာအိမ်ဘက်သို့သိပ်မသွားဖြစ်တော့ပါ။မသွားရဲတာဆိုပိုမှန်လိမ့်မည် ။မမရဲ့ခပ်စိမ်းစိမ်းအပြုအမူတွေက အကြင်နာ့အားနေရခက်စေခဲ့ပါသည်။
ထိုတစ်နေ့ကပေါ့။
အဲ့ဒီနေ့ကကျောင်းပိတ်ရက်ဖြစ်သောကြောင့်
အဒေါ်ဖြစ်သူနှင့်အတူအကြင်နာ
Ocean သို့သွားဖြစ်ခဲ့၏။
တိုက်ဆိုင်စွာနဲ့ပဲ အဲ့ဒီမှာမမနှင့်ဆုံခဲ့သည်။မမက သူ့သူငယ်ချင်းတွေနဲ့လာတာဟုတ်ဟန်မတူပါ။မမဘေးမှာ အကြင်နာသိတဲ့ မမလေပြေတို့မမသက်ထားတို့အားမတွေ့ရပါ။မမကိုမြင်မြင်ချင်း အကြင်နာဝမ်းသာသွားသည်။မမနဲ့အကြည့်ချင်းဆုံသဖြင့်မမအားပြုံးပြလိုက်သည်။
သို့သော် မမကအကြင်နာပြုံးပြကာမှမျက်နှာအားတစ်ဖက်လှည့်သွားကာ မမြင်ချင်ယောင်ဆောင်လိုက်သည်။အကြင်နာ့စိတ်ထဲသိမ်ငယ်မိသည်။ ဝမ်းနည်းမိသည်။ထိုခံစားချက်ဟာ ပြောမပြတတ်အောင်ပါပဲ။ မမကသူ့ကိုမမြင်လို့များလားလို့ဖြည့်တွေးရအောင်လည်း မမနဲ့တောင်အကြည့်ချင်းဆုံလိုက်သေးတာပဲ။
မြင်ရက်သားနဲ့ တမင်ကိုမျက်နှာလွဲသွားခဲ့တယ်ဆိုတာ အကြင်နာအတပ်သိနေသည်။ထိုနေ့ကအကြင်နာဟန်မဆောင်နိုင်စွာနဲ့ အိမ်ပြန်ရောက်ရောက်ချင်း ငိုခဲ့ရသေးသည်။***
"ညီမလေးဆုဆု အကြင်နာကအခုတလောအိမ်ဘက်မလာပြန်ဘူးနော်"
"ဟုတ်တယ် မမသက်ထား သမီးမေးတော့လည်း ဘာမှမဖြစ်ဘူး ပျင်းလို့ လို့ပြောတာပဲ"
"မမတို့တော့ အဲ့ဒီကလေးလေးကိုမတွေ့ရတော့ပျင်းသလိုတောင်ဖြစ်နေပြီ နောက်ရက်ကျအိမ်လာခဲ့ဖို့ပြောလိုက်ပါဦး"
ဒီတစ်ခါဝင်ပြောလိုက်သူက လေပြေသာဖြစ်သည်။
"သု နေမကောင်းဘူးလား နင့်ကြည့်ရတာမရွှင်မလန်းနဲ့"
"ကောင်းပါတယ် ပန်းရယ် ငါစိတ်မကြည့်လို့ပါ"
"ဘာလဲ နင့်လူနဲ့ရန်ဖြစ်ထားလို့လား"
"မဟုတ်ပါဘူးဟာ"
"မဟုတ်လည်းပြီးတာပါပဲ"
ပန်းဟာ ခဏကြာမှပြောသင့်မပြောသင့်စဉ်းစားပြီးမှ စကားတစ်ချို့ကိုပြောလိုက်သည်။
"သု နင်အကြင်နာလေးကို မခင်ဘူးလား"
![](https://img.wattpad.com/cover/338575511-288-k396626.jpg)
YOU ARE READING
ချစ်သော အကြင်နာ(Completed)
Romanceမေတ္တာတွေသာ စစ်မှန်ခဲ့ရင်အသွားအပြန်ရှိနိုင်သလား။မေတ္တာတွေကရောင်ပြန်ဟပ်သလား။ မေတ္တာတွေကစူးတတ်သလား။ မေတ္တာတွေသာစူးခဲ့ရင် ပြန်နှုတ်လို့ရနိုင်ပါ့မလား။ အမုန်းတွေကရောအချစ်အဖြစ်ပြောင်းလဲလာနိုင်လား။အချစ်ကနေ အမုန်းဘက်ကိုပြောင်းသွားနိုင်လား။