Unicode
အကြင်နာဒီနေ့လည်းမမပန်းတို့အိမ်ဘက်သို့သွားဖြစ်၏။ အကြောင်းမှာ မမကိုတွေ့ချင်လို့သာဖြစ်သည်။အိမ်ချင်းကလည်းတစ်အိမ်ခြားပဲဖြစ်လို့ နေ့တိုင်းနီးပါးသွားဖြစ်ခဲ့ပါသည်။
ဆုဆုကတောင်မေးနေသည်။အရင်ဒီလောက်မလာပါဘူးတဲ့...။ဟုတ်ပါရဲ့...။အကြင်နာကမမရှိမှန်းသိကတည်းကနေ့တိုင်းကိုသွားနေမိတာ။
အိမ်ထဲရောက်ရောက်ချင်းဟိုကြည့်ဒီကြည့်လိုက်ကြည့်နေမိသည်။ရှာနေသူကိုတော့မတွေ့သေးရပါ။
"ဆုဆုရေ ဆုဆု"
"လာပြီ လာပြီ"
"ငါပျင်းလို့နင်တို့အိမ်ဘက်လာတာ"
"ဒီရက်ပိုင်းတော်တော်ပျင်းပုံရတယ်နော် နေ့တိုင်းကိုလာနေတော့တာ"
"တကယ်ပျင်းလို့ပါ..
ဒါနဲ့မမပန်းတို့ရော မတွေ့ပါလား"
"အပြင်သွားကြတယ်"
"ဪ"
"လာ နင့်ကိုလက်ဖက်သုပ်ကျွေးမယ် ငါ့အခန်းထဲကနေစောင့်ချင်စောင့်နေ"
"ရတယ် ဒီမှာပဲထိုင်နေတော့မယ်"
ခဏကြတော့ဆုဆုကလက်ဖက်သုပ်ပန်းကန်နဲ့ရောက်လာသည်။
"ရော့ နင်ကြိုက်တဲ့လက်ဖက်"
ဆုဆုကအကြင်နာ့ရှေ့သို့လက်ဖက်ပန်ကန်ချပေး၏။အကြော်စေ့နိုင်နိုင်နဲ့ ပုဇွန်ခြောက်များကအကြင်နာ့စားချင်စိတ်ကိုနှိုးဆွနေသည်။ခရမ်းချဉ်သီးအနည်းငယ်ရယ်၊ ကြက်သွန်ဖြူအစိပ်ကလေးတွေရယ်ကြောင့်ပိုပြီးပြည့်စုံသွားသည်။
"ဆုဆု ငါနင့်ကိုမေးစရာရှိလို့"
"အင်းမေးလေ"
"ဟိုလေ မမ အကြောင်းသိချင်လို့"
"ဘယ်မမတုန်း "
"မမပန်သုကျော်"
"ဪ မမသုလား
သူ့အကြောင်းနင်ကဘာသိချင်တာတုန်း"
"သူ့အကြောင်းပါဆိုအကုန်ပေါ့ဟ"
"မစပ်စုဖူးနဲ့ စပ်စုနေပါလားအကြင်နာ"
"ဒီတိုင်း မမကို ခင်လို့ပါဟ ပြောပြစမ်းပါ"
အကြင်နာလက်ဖက်ပန်းကန်ကိုစားရင်ပြောလိုက်သည်။
YOU ARE READING
ချစ်သော အကြင်နာ(Completed)
Romanceမေတ္တာတွေသာ စစ်မှန်ခဲ့ရင်အသွားအပြန်ရှိနိုင်သလား။မေတ္တာတွေကရောင်ပြန်ဟပ်သလား။ မေတ္တာတွေကစူးတတ်သလား။ မေတ္တာတွေသာစူးခဲ့ရင် ပြန်နှုတ်လို့ရနိုင်ပါ့မလား။ အမုန်းတွေကရောအချစ်အဖြစ်ပြောင်းလဲလာနိုင်လား။အချစ်ကနေ အမုန်းဘက်ကိုပြောင်းသွားနိုင်လား။
