Unicode
"မမ "
"အင်း"
မမကဘာမှမပြောသေးဘဲ မိမိအားစိုက်ကြည့်နေသဖြင့်အနေရခက်လာ၏။
ဒါနဲ့ပဲ မိမိဘက်မှဦးစွာတိတ်ဆိတ်မှုကိုဖြိုခွင်းလိုက်သည်။"မမ တစ်ခုခုပြောစရာရှိလို့လား"
"မင်းခုနက ကလေးမလေးကိုဆူလိုက်တာ
တို့အစအဆုံးကြားလိုက်တယ်""ဟင်.."
ဒါဆိုရင်မမက အဲ့ဒီအချိန်ကတည်းကရောက်နေခဲ့တာပဲ။
အကြင်နာဆိုတဲ့ကောင်မလေးပြောတာတွေမမကြားသွားတယ်ဆိုတော့ မမကိုအားနာသည်။"အရင်တစ်ခါ မင်းနဲ့အတူတူကော်ဖီဆိုင်မှာတွေ့ဖူးတဲ့ကောင်မလေးမလား"
"ဟုတ်တယ်မမ"
မမကအဲ့ဒီကောင်မလေးကိုမှတ်မိနေခဲ့တာပဲ။ဘာပဲဖြစ်ဖြစ် စိတ်ထဲကျေနပ်မိသည်။
မမက ကိုယ်နဲ့ပတ်သက်ပြီး စိတ်ထဲရှိနေပေးသည်မဟုတ်လား ။
မမဘက်က ကိုယ့်အပေါ်အာရုံစိုက်တယ်ဆိုတာ ရှားပါးလွန်းလို့လားတော့မပြောတတ်။မမဆီက အခုလိုမျိုးအရေးတယူရှိတာလေးကိုပင် ကျေနပ်လို့မဆုံးပါ။"အဲ့ဒီကောင်မလေးကြည့်ရတာ မင်းအပေါ်ရိုးသားပုံမပေါ်ဘူး။ တို့ ပြောတာဟုတ်သလား"
"ရှင်"
မမကဘာကိုပြောချင်မှန်း တကယ်မသိပါ။
"သူကမင်းကိုစိတ်ဝင်စားနေတဲ့ပုံပဲ"
"ဟာ..မမကလည်းမဟုတ်တာကို"
သုကရယ်ရင်းပြန်ဖြေလိုက်သည်။သို့သော်မမကိုကြည့်လိုက်တော့ မိမိကိုမျက်တောင်မခတ်ဘဲ မမှိတ်မသုန်ကြည့်နေသည်။
"ဘေးကလူတောင်ရိပ်မိနေတာကို မင်းကမရိပ်မိဘူးဆိုတော့ ဒါဖြစ်နိုင်ပါ့မလား"
"ဟမ်"
"တမင်မသိချင်ယောင်ဆောင်ထားတာလား အဲ့ဒီကလေးမကို"
ဆက်တိုက်မေးလာတဲ့မေးခွန်းတွေကြား အခုထိယောင်ချာချာရှိနေသေးသည်။
မမပြောသလိုအဲ့ဒီကောင်မလေးက မိမိကိုစိတ်ဝင်စားနေခဲ့တယ်ဆိုရင်တောင် သု
တကယ်မသိခဲ့တာအမှန်ပါ။
တစ်ခါမှတောင်တွေးမကြည့်မိဖူးခဲ့။အာရုံမထားမိခဲ့တာဖြစ်ကောင်းဖြစ်နိုင်သည်။
အခုမမပြောတာကိုတွေးကြည့်မိပြန်တော့ တကယ်ပဲမရိုးသားဘူးလားဟုထင်မိပြန်သည်။
တကယ်ပဲအဲ့ဒီကောင်မလေးရဲ့အပြုအမူတွေဟာ မိမိအပေါ်မှာအခြားသူများထက်ကိုပိုပြီး သိသာလွန်းသည်။
မိမိကိုသူစိတ်ဝင်စားနေတယ်ဆိုရင်တောင်,မိမိဘက်ကတော့နည်းနည်းလေးမှစိတ်မဝင်စားပါ။
ကိုယ်ချစ်တာမမပဲလေ။အဲ့ဒီကလေးမကိုစိတ်ဝင်စားဖို့ဆိုဝေးစွ။ နည်းနည်းလေးမှကြည့်မရပါ။
YOU ARE READING
ချစ်သော အကြင်နာ(Completed)
Romanceမေတ္တာတွေသာ စစ်မှန်ခဲ့ရင်အသွားအပြန်ရှိနိုင်သလား။မေတ္တာတွေကရောင်ပြန်ဟပ်သလား။ မေတ္တာတွေကစူးတတ်သလား။ မေတ္တာတွေသာစူးခဲ့ရင် ပြန်နှုတ်လို့ရနိုင်ပါ့မလား။ အမုန်းတွေကရောအချစ်အဖြစ်ပြောင်းလဲလာနိုင်လား။အချစ်ကနေ အမုန်းဘက်ကိုပြောင်းသွားနိုင်လား။