Gloom Series 5:The Unforgettable Pain (COMPLETED)

CHAPTER 31

Chapter 31: Hiding the truth

“REST well. Alam kong paggising mo ay pagsusungitan mo na naman ako,” sabi pa niya at hinawi ang hibla ng buhok nito na nakaharang sa maamo nitong mukha. “She’s still beautiful even without her make-up at kahit maputla pa siya,” he uttered.

He wants to laugh himself. Dahil kahit walang malay si Miamor ay kinakausap pa rin niya ito. Inayos niya ang kumot nito sa katawan at tinitigan pa niya ito bago siya tumayo pero mabilis na hinuli nito ang pulso niya.

Nagulat siya nang makitang nagkamalay na ito agad. Hindi na siya nabahala pa kung narinig ba nito ang sinabi niya kanina.

‘Ano naman kung maririnig niya? Wala naman akong sinabing hindi maganda, ah. I’m just stating the fact.’

“W-Where is she?” she asked him. He knows very well kung sino ang hinahanap nito.

Kahit hindi maayos ang lagay nito ay si Meriah pa rin ang iniisip ng dalaga. “She’s fine.”

“I’m asking you, where is she?” balik na tanong nito sa kanya.

“Kasama niya ang kaibigan kong si Taki. Nasa labas sila. I told you na hindi mo na kailangan pang mag-alala sa kanya.”

“Dalhin mo... D-Dalhin mo siya rito sa akin...” nanghihinang sabi nito. Hinawakan niya ang kamay ni Miamor at ibinalik ito sa kama.

“Sige,” tipid na sabi niya lang saka siya lumabas.

Nagsalubong ang kilay niya nang madatnan niyang umiiyak ang bata. Natatarantang inalo na ito ni Taki pero wala pa rin itong tigil sa pag-iyak. Nag-alala siya sa lakas ng boses nito na tila may masakit dito. He approached them.

“What happened, Taki? I told you na huwag siyang paiiyakin. Mahirap siyang patahanin, eh,” suway niya at kinuha mula rito ang batang umiiyak. Parang sinasakal naman ang leeg niya nang makita ang mga luha nito. Pulang-pula ang ilong dahil sa malakas na pag-iyak. “Ano’ng ginawa mo, Taki?” malamig na tanong niya rito at pinukulan niya ng matalim na tingin.

“Si Cervin!” defensive na sigaw nito ay itinuro pa ang kaibigan nila kaya binalingan niya ito.

“Ano naman ang ginawa mo, Cervin?”

“Hindi ba curious ka? Kaya ipa-DNA test natin ang bata,” kaswal na sabi lang nito at itinaas ang hawak nitong isang hibla ng buhok. Lihim na napamura siya at wala sa sariling tiningnan niya ang ulo nito.

Kaya naman pala panay ang hawak nito rito dahil sa paghablot ni Cervin sa buhok nito.

“Gago ka, Cerv. Ang daddy ng batang ito ay si President Ferrara at nasa loob lang kuwartong iyon ang nakatatanda niyang kapatid. May malay na ‘yon at babalatan kayo ng buhay kapag nalaman niyang pinaiyak niyo ang kapatid niya,” malamig na asik niya sa dalawa.

“Woy, wala naman akong ginagawa. Si Cervin ‘yon,” pagtatanggol ni Taki sa sarili.

“Kapatid? Hindi ba siya ang ina ng batang ‘yan?” nagtatakang tanong ni Cervin sa kanya.

“Sino ba ang nagsabi sa inyo na anak niya ito? Kahit ang totoo ay kapatid niya lang,” supladong sabi niya sa mga kaibigan niya. Kaya nagkatinginan ang dalawa.

“But she called her Momma? As in Momma,” hindi makapaniwalang saad ni Taki.

“Well... Maybe, it was normal. My daughter called her grandmother Momma. So, baka nagkamali rin kami sa hinala namin. I’m sorry, Meriah...”

“I h-hate you, doc...” humihikbing sabi nito at binalingan siya nito kahit nakapikit pa. “My hair...doc. Doc Ceyvin pulled the strand of my hair,” sumbong nito sa kanya.