රාත්රිය උදා වෙලා. දිව්යමය සත් මහල් ප්රාසාදය සතුටින් පිරිලා. සත් දිනක් මුලුල්ලේ ම ජන්කුක් ට බියෙන් සිටි සේවකයන් පවා සතුට ට පත් වෙලා. ඔවුන් තමන්ගෙ හාම්පුතුන්ගේ වෙනුවෙන් ඉතාමත් රසවත් රාත්රි ආහාර මේසයක් සූදානම් කරලා.
" ම්ම්ම්... හරිම සුවඳවත්.."
ජිමින් කීවෙ සුවඳ තවමත් වහනය වෙන රෝස තේ බඳුන ට නහය ලං කරගෙන. ඔහු විතරක් නෙවෙයි, හැම දෙනෙක්ම කෑම මේසයේ තමන් ආශාවෙන් ම රස බලන කැවිලි වර්ගය දිහා උවමනාවෙන් බලන්න වුණේ ඒවා ඒ තරම් ම ප්රනීත අයුරින් දිස් වුණ නිසා.
" ඇයි ඉතින් තවත් බලාගෙන ඉන්නේ.. කන්න.."
ජන්කුක් ගේ සියුම් ඒත් ආදරණීය කටහඬ දොරටුව ගාවින් ඇහෙනකොට ඔහුගෙ මුහුණ දෙස හැමෝම බලන්න වුණා. සඳ රැස් වැටෙන රැයේ සඳ කිරණ ට නැහැවුණු ඔහු අබතෙල් පහන් ආලෝකයෙන් දිස් වුණේ හඳෙන් බිමට ගොඩබට සඳ සාවෙක් වගේ.
" කූකී....."
යුන්ගී දුවගෙන ගිහින් ජන්කුක් ගෙ ඇඟේ එල්ලෙද්දි ජන්කුක් හරිම පරිස්සමට තමන්ගෙ ආදරණීය සුරතල් යුන්ගි ව බදා ගත්තා.
"කියන්න යූනි..."
ජන්කුක් ආදරෙන් අහනකොට නම් යුන්ගි ට තමන්ගෙ කඳුළු වාවගන්න පුළුවන් වුණේ නැහැ. තමන්ගෙ ඇඳුම තෙමාගෙන සද්දයක් නැතිව ගලන කඳුළු බිංදු වලට ජන්කුක් ඔහේ යන්න ඇරලා යුන්ගි ගේ කොණ්ඩෙ අතගෑවෙ හරිම ආදරෙන්.
" අනේ... ඒක ආයෙමත් කියන්න...."
යුන්ගි හුරතල් මූණක් හදාගෙන ජන්කුක් ගෙන් අහනකොට කෑම මේසෙට වාඩි වෙලා හිටපු අනිත් පස් දෙනා බැලුවෙ මේ හුරතලේ දිහා.
" මොකක්ද..?"
ජන්කුක් තේරුණේ නෑ වගේ අහද්දි යුන්ගි මූණ තවත් ටිකක් හුරතල් තාලෙට හදා ගත්තෙ තමන්ගේ ආශාව විහිලුවට ගන්න එපා කියලා කියන්න වගේ.
" ආයෙත් පාරක් මට එහෙම කතා කරන්න කියලා මම කිව්වෙ."
යුන්ගි කියනකොට ජන්කුක් කතා කළා.
" යූනී...."
ජන්කුක් ගෙ කටහඬ ට දැන් නම් වශී වෙනවා වගේ හැඟීමක් ඇති වෙනවා. මොකද කිව්වොත් ජන්කුක් ට ඕන නම් එයාට ඒ හැකියාව ත් තියෙනවා.. කාව වුණත් තමන්ගෙ අණට යටත් වෙන්න වශී කර ගන්න.
![](https://img.wattpad.com/cover/343126385-288-k595106.jpg)
YOU ARE READING
Reunion of hell and heaven. season 2 ✔️
Historical FictionREUNION OF HELL AND HEVEAN Season 2 Language : Sinhala Top JJK × bottom BTS All Rights reserved. Started date : 02. 06. 2023 Closed date : පළවෙනි කතාව කියවපු අය දන්නවා කොහොමද ඒක ගලාගෙන ගියේ කියලා... ඉතින් මේ තියෙන්නෙ දෙවනි පොත... කැමති නම් කියවන්න...