عشقت تلميذتي الفاتنة

البارت 156

🥀🔥عـــشــقـــت تــلميـــذتـي الفـــاتنــــة🔥🥀

                     By : oumaima mariposa  

🥂الــــعــــشــــق... او ولــــوع فــــي الــــحــــب🥂

البــــارت : 156
ليث : اوك غادي نديك عندها غدا
رعد : وخا ا [سكت كيتسنا يقوليه اسموا حيت معارفوش]
ليث : ابابا
رعد وهوا كيحرك ليه راسوا بلا : مزال ممتقبلكش كأب باش نقولها يعني بغيت اسمك
ليث : ولكن ميمكنش ليك تعيط ليا بإسمي حيث انا باباك
رعد هز كتافوا بعدم مبالات : اوا بلاش منعيط ليك كاع
ندى نزلت عندوا : رعد شنو هدشي لي كتقول حشومة
رعد : بغيت بيتي نمشي ليه

• شداتوا ندى من يديه وداتوا معاها الاقرب غرفة وبركتوا وبركت حداه...

ندى : دابا نتا كبير ياك
رعد : تقريبا
ندى : ممكن نهضر معاك بحال لكبار وتفهم ياك
رعد : اه
ندى شدت ليه يدوا : دابا هوا باباك ياك ودابا حنا وخا مقدرناش نعيشوا معاه من شحال هادي ولكن دابا غادين نبقاو معاه ديما دكشي علاش مخاصكش تقول شي حاجة ماشي تلهيه حيت هوا كبر منك وباباك يعني خاصك تحتارموا
رعد : وواش مغادينش نبقاو نشوفوا عمو كمال ولميمة
ندى : غادين نبقاو نشوفوهم ديما ولكن غادين نعيشوا هنا حيت هادي هيا دارنا
رعد : اوك اماما
ندى : دابا غادي تحتاري بابا وتقوليه بابا ياك
رعد : غادي نحتارموا حيت كنحتارم كلشي ولكن منقدرش نقوليه بابا ومعا لمدة ممكن
ندى : غادي تقدر حيت هوا ضريف بزاف
رعد : اه ودابا انا بغيت نعس واش ممكن تخرجي
ندى : اه وخا ولكن واش مبغيتيش نعس حداك
رعد : لا طبعا

• حيد سبرديلتوا وتيشورط وتلاح فوق ناموسية وهوا مغمض عينيه...

رعد : سدي معاك لباب

• خرجات وسدات لباب حتا بان ليها ليث لي كان واقف حدا لباب ومربع يديه...

ليث على نفس الوضعية تاعوا : شخصيتوا فشكل
ندى عنقتوا وهيا كتهضر معاه : كنلقا صعوبة باش نفهموا او نقنعوا بشي حاجة حيت ديما رأيوا كيكون متشبت فيه وخا معرت شنو يطرى
ليث وهوا كيقيس ليها فشعرها : ولكن نتي ام متالية دكشي علاش غادة تقدري تربيه
ندى : وحتا نتا غادي تكون اب متالي
ليث وهوا كيضحك : الى وافق علينا سي رعد
ندى بعدت عليه وهيا كتشوف فيه : متقلقش من كلامو هوا وخا صريح فوق لقياس ولكن والله الى قلبوا حنين بزاف
ليث : قاصح بحال باه وحنين بحال مو ومتخافيش حيث عادي ميتقبلنيش راه عمروا شافني ومن بعد غادي يتقبلني بشوية يعني فراه عادي
ندى : ان شاء الله
ليث صغر عينيها فيه : منواياش تزيدي شي واحد آخر
ندى : هاد ساعة لا
ليث جرها عندوا : ولكن انا ناوي