عشقت تلميذتي الفاتنة

البارت 129

🥀🔥عـــشــقـــت تــلميـــذتـي الفـــاتنــــة🔥🥀

                     By : oumaima mariposa  

🥂الــــعــــشــــق... او ولــــوع فــــي الــــحــــب🥂

البــــارت : 129
• هز ليث واحد سوط وبدا كيضرب فيه حتا ولا دم كيخرج من جراحي لي فيه لي كانوا سبابهم لي كارد...

شخص بترجي : عفاك رحمني انا نقول ليك كلشي
ليث حبس من ضرب وشاف فيه وهوا مخنزر : غادي تعود ليا كلشي ولا غادي ندير فمك كثر من هدشي
شخص : وخا اسيدي ومني نعود ليك غادي طلقني
ليث ضرب بسوط فالكرسي وهوا كيغوت عليه : عاود ولا غادي نق*تل مك هنا
شخص وهوا كيرجف من الخلعة : وخا اسيدي انا راه هوما لي كلفوني باش نقول شي وحدين كنعرف انني نحرق ديك طموبيل مهم قالوا ليا ناس لي فيها يموتوا وانا دكشي لي درت [بدا كيترجاه وكيكبي باش يفكوا] فأنا مدرت والو عفاك طلقني
ليث هضر ببرودة : شكون لي قالك هدشي
شخص : واحد سيدة انا عمرني شفتها ولكن ديما كنتعامل معاها غير من تليفون
ليث : شنو سميتها بغيت معلومات عليها
شخص وهوا كيترعد : انا معارفش معلومات عليها ولكن لي عارف هوا سميتها حيث واحد المرة نطقتوا قدامي بلغلاط
ليث بالغوات : هضر خلاص شنو اسمها
شخص : سعاد صفريوي
ليث بضحكة فيها نوع من سخرية : سعاد يا سعاد

• شاف فالكارد وغمزوا باش يدير خدمتوا معاه... اما هوا فخرج وصونا على واحد الكارد باش يقوليه سعاد فين كينة...

• بعد مدة رجع تاصل بيه الكارد وعطاه معلومات وعرف بلي راها هيا كينة فالمغرب فطر انه يرجع للمغرب لعندها... وقبل ميوصلها لخبار بلي راه ليث عرف بلي هيا مولات لفعة كان واقف قدام الباب ديالها كيدق...

سعاد وهيا حالة لباب وكتشوف فليث بصدمة : ليث شنو كدير هنا
ليث بستهزاء : مدخليناش زعما
سعاد بتوتر : اه اه وخا دخل مرحبا

• دخل وهوا راسم على وجههوا ابتسامة استهزاء... مشا نيشان برك فوق لفوطوي وهوا حاط رجلوا على ركبة تاعوا...

ليث : وصلني شي خبار بلي نتي الكلبة شادة عندك شي شخص كيهمني ازوينة ياك
سعاد بتوتر وهيا كتحك فيديها : لا لا شكون قالها ليك غير كيكدبوا انا كعما شادة عندي مرتك والله
ليث بضحكة سخرية : وباش عرفتي مرتي علاش هاضر انا
سعاد بتوتر : خرج من داري غادة نصوني للبوليس خرج
ليث : اه وخا

• ناض غادي متوجه للباب لي كانت واقفة حداه وشدها من فكها وهوا كيورك على كل كلمة كيقولها...