عشقت تلميذتي الفاتنة

البارت 142

🥀🔥عـــشــقـــت تــلميـــذتـي الفـــاتنــــة🔥🥀

                     By : oumaima mariposa  

🥂الــــعــــشــــق... او ولــــوع فــــي الــــحــــب🥂

البــــارت : 142
ندى شافت فكمال وهمست ليه حدا وذنوا : غادين تكونوا معايا ياك
كمال : عمري نخليك [شد ليها فيديها]
ندى : انا مخلوعة بزاف معرفاش اش غادي يطرى
كمال : غير لخير ان شاء الله
ندى : ان شاء الله [دارت شافت فمعاذ] مني نوصلوا عند من غادين نمشيو
معاذ : غادين نمشيو عند الام تاعك
ندى : اه وخا

• مدة تاع طريق حتا حطتهم طائرة فالأراضي المغربية... مشاو ركبوا نيشان فواحد طموبيل لي كانت كتسناهم وتحركوا نيشان لدار فاطمة وسمية
الجديدة لي كان معاذ قبل ميجي بسيمانة كلف المساعد تاعوا يعرفهم فين كينين هوما دابا...

• كانوا واقفين قدام دار تاع فاطمة وكيدقو الباب بعد مدة قصيرة تحل لباب بشوية...

رجاء وهيا كتشوف فيهم وهيا مصدومة هضرت بهمس : اواه
فاطمة بالغوات من لداخل : رجاء شكون لي عند الباب
رجاء وهيا كتشوف فيهم وكتغوت : ماما اجي تشوفي دغيا
فاطمة وصلت عندها وهيا مخنزرة فيها : اش هذا يا هاد البنت مالك كتغوتي اويلي سكتي شوية

• قبل متكمل هضرتها كتصدم مني كتهز وجهها فلي واقفين عند الباب... وسط منهم كاملين عينها ملمحت غير وجه بنتها لي ماتت من ست سنين هادي...

• قربت منها بشوية وحطت يديها على وجهها وهية كتقيس فيها باغا تعرف واش بصح هيا حقيقية ولا لا...

فاطمة لي غرغروا عينيها بدموع وهيا كتقيس ليها فوجهها : بنتي بنتي اه نتي بصح بنتي [بدات كتقلب فيها فكل ناحية وهيا كتبكي وتشهق وكتبوس فيها...

• كانت كتحس بإحساس غريب بزاف رغم انها معاقلاش عليها ولكن عندها احساس بلي راها كانت كتعرفها ومكرهتش تعنقها...

فاطمة عنقتها وهيا كتبكي : توحشتك ابنتي [بعدتها عليها وشدت ليها وجهها وبدات كتبكي] مالك ابنتي واش ضاراك شي حاجة علاش ساكتة

• كتافات كتبكي بدون متجوبها... معارفاش اش هاد الاحاسيس لي مخلطين عليها...

فاطمة بعدت على الباب وهيا مبتاسمة وعينيها عامرين دموع : دخلي ابنتي [شافت فمعاذ] ولدي الحبيب [مشات عندوا وعنقتوا] ولدي حبيبي توحشتك [بعدو عليها وخيا كترجف] دخلوا دخلوا مرحبا بيكم

• دخلو لدار كاملين وبركوا فالصالون اما فاطمة فمشات بركت حدا ندى وهيا باقا ممصدقاش بلي بنتها حبيبتها كتشوفها واقفة قدامها...