عشقت تلميذتي الفاتنة

البارت 116

🥀🔥عـــشــقـــت تــلميـــذتـي الفـــاتنــــة🔥🥀

                     By : oumaima mariposa  

🥂الــــعــــشــــق... او ولــــوع فــــي الــــحــــب🥂

البــــارت : 116
           ~~~~ بعد 10 ايام ~~~~

• هاد المدة كاملة كانت عبارة غير على توجاد للعرس ديال حنان وسيف... وليوم هوا العرس تاعهم... كانوا مجموعين كاملين فالقصر تاع العمراني...

• فالبيت الفوق عند ندى لي كانت ناعسة حتا دخلت عليها حنان كتفيق فيها...

حنان قربت لعندها كتحرك فيها : وا ندى نوضي او واش مبغاش توجدي معايا
ندى وهيا كتحرك : امم
حنان : وا نوضي خلاص
ندى ناضت بركت وهيا كتنهد : وخا انا نايضة

• ناضت ودخلت للحمام قدات حاجتها ومن بعد نزلت هيا وحنات باش يفطروا مجموعين...

ندى بركت فبلاصتها وهيا كدور عينيها كتقلب على ليث : خالتي فينوا ليث
مريم : راه قالي مني تنوضي نقولك راه مشا للشركة حيث راه فيقك ولكن مبغيتيش تنوضي
ندى : ولكن راه قالي لبارح بلي مغاديش يمشي ليوم
مريم : راه صوناو ليه على قبل شي حاجة مهمة
ندى : معاش مشا
مريم : غادة تكون شي سعتين دابا
ليث لي تم داخل من لباب : كترتي من الأسئلة عليا [ تم داخل حتا وصل لعندها وباسها فحنكها]
ندى ولات حمرة من قربوا ليه : اه لا [دفعتوا عليها] غير سولت حيث مني فقت ملقيتكش
ليث برك حداها مترأس طبلة من جيهة لخرى : غير كانت عندي شي حاجة مهمة وراه فيقتك ولكن مبغيتيش تنوضي
ندى : اه اوا صافي مشي مشكيل

• بقاو باركين كياكلوا وكيهضروا حتا وقفت اسماء وهيا موجهة هضرتها لحنان وندى...

اسماء : يله نوضوا نوضوا راه يله نساليو توجاد للعرس

• ووقفوا بتلاتة باش يمشيو يوجدوا راسهم للعرس...

اسماء وشافت في مريم وسمية وفاطمة : شوفوا حنا غادي ندوشوا فالحمام وراه غادي يبقى شاعل باش مني تساليو دخلو حتا نتوما
ليث جر عندو ندى حتا بركت قداموا : انا مرتي معندها فين غادة حتا تكمل ماكلتها [شاف فيها بحدة] كولي
ندى ناضت من عليه وهيا متوترة من تصرفاتوا : لا انا شبعت
ليث وهوا مخنزر فيها : بركي فبلاصتك وكملي ماكلتك

• رجعت بركت فبلاصتها وهيا كتعير فيه فخاطرها... مبغاتش تحاشم معا العائلة كتر وقررت تكمل ماكلتها عاد تنوض...

اسماء : شوفي اندى حنا غادين مني تسالي تبعينا
ندى هزات راسها فيها : صافي وخا