عشقت تلميذتي الفاتنة

البارت 145

🥀🔥عـــشــقـــت تــلميـــذتـي الفـــاتنــــة🔥🥀

                     By : oumaima mariposa  

🥂الــــعــــشــــق... او ولــــوع فــــي الــــحــــب🥂

البــــارت : 145
حنان لي لاحت بنتها ومشات كتجري عندها كتعنق فيها وتبكي : توحشتك ناري واش نتي بصح كينة [ضارت كتشوف فيهم وهيا كضحك وتبكي] واش انا كنحلم [رجعتكتشوف فيها وهيا كتقيس ليها فوجهها ورعدة شاداها] مالك احبيبتي علاش ساكتة واش طاري ليك شي حاجة واش نتي لباس عليك
ندى هزت ليها براسها وهيا غير كتشوف فيها وحاسة بقلبها كيضرب : اه انا بخير شكون نتي
حنان وهيا كضحك وايديها كيرجفوا : واش كضحكي اندى
معاذ من وراها : راها فاقدة ذاكرة احنان ومكتعرف حتا واحد فينا
حنان عنقتها وهيا كتبكي : ماشي مشكيل الأهم انها هيا دابا معانا [بعدت عليها وهيا كتشوف فيها] عرفتي شحال توحشتك خليتي بلاصتك كبيرة عندنا [هزت راسها بلا مني تفكرت راها معاقلة على والو] واش نتي بخير ياك
ندى : اه انا بخير
حنان عنقتها وهيا كتهضر : موهيم انا حنان صاحبتك
ندى بادلتها العناق : اه انا وخا معقلاش عليكم كاملين ولكن حاسة بلي نتوما عائلتي و كنتو قراب ليا
حنان بعدت عليها وهيا كتمسح فدموعها : توحشناك كاملين والله خليتيبلاصتك كبيرة
معاذ من وراها بطنز : توحشتيها غير هيا وانا
حنان وقفت ومشات عندوا كتعنق فيه : علاش نتا تعطلتي ومسولتيش فيا خليتيني راسي
معاذ بادلها العناق : صافي هانا جيت دابا

• واقفة حدا لباب وكتشوف فهاد صدمة لي طران ليها... مبقااش قادرة حتا تحرك وتزيد دخل عندهم... مكانتش نهائيا متوقعة بلي غادي تلقى حب قلبها وفنفس الةقت صديقة ديالها لي مني مشات خلات فقلبهم كاملين جرح كبير...

فاطمة شاف فأسماء : دخلي ابنتي متبقايش واقفة قدام الباب ودخلي سلمي عليها راه كلنا تصدمنا فاللول

• قربت لندى بخطوات تقيلة وهيا باقا على ملامحها صدمة ودهشة... كلما كتقرب ليها كتزيد تأكد بلي راها بصح ماشي كتحلم... نزلت لمستواها وعنقتها....

اسماء عنقتها وعينيها مغرغرين بدموع : توحشناك اندى [بعدت عليها كتشوف فملامحها وشنو غادة ديري... شدت ليها فوجهها ورجعت عنقتها] حتا انا كنت صحبتك 
ندى لي مني دخلت لهنا وهيا كتحس بأحاسيس كتيرة غير مفهومين بادلاتها العناق : غادي نتفكركم كاملين ان شاء الله
اسماء : ان شاء الله

• بعدت عليها وقربت من معاذ سلمت عليه باليد ومن بعد سلمت على البقية... على سمية وفاطمة وياسمين 
سمية....

سمية : زيدو بركوا غادين نبقاو واقفين
معاذ هز نيلة لي كانت فالأرض : شنو سميتها
حنان لي بركت حدا ندى: نيلة
معاذ : بنتك ياك
حنان : اه
معاذ : شحال عندها من عام
حنان : عامين تقريبا [باسها وحطها فالأرض تلعب]