عشقت تلميذتي الفاتنة

البارت 84

🥀🔥عـــشــقـــت تــلميـــذتـي الفـــاتنــــة🔥🥀

                     By : oumaima mariposa  

🥂الــــعــــشــــق... او ولــــوع فــــي الــــحــــب🥂

البــــارت : 84
ندى بنفس نبرة لباردة : واش عرفتي كانت هديك تاني مرة فحياتي نحس بالعجز نحس بلي انا مقادرة ندير والو منغير نرضى بالواقع
ليث رجع باس ليها يديها : كنعتاذر مكنتش قاصد نحسسك هكا ولكن كنت بغيتك غير تزوجي بيا فقط وانا كنت دير بيني وبين راسي بلي من بعد فاش نتزوجوا غادي نخليك تسمحي ليا يعني انا مكنتش غادي نأديك ولا نأدي عائلتك نهائيا
ندى ضورت راسها كتشوف فشرجم وهيا مبتاسم نص ابتسامة : إذا تقولبت فاس واقفت على هاد زواج
ليث ضور وجهها جيهتوا كيشوف فيها بتخنزيرة : كيفاش تقولبتي مالك اش خاصك معايا وزيدون شكون بحالك مزوجة بزين وتباتة وكيبغيك من لفوق
ندى وهيا كضحك : حاس براسك
ليث بثقة : طبعا
ندى : اوا بصحتك
ليث بجدية : دابا شنو صافي غادي تسمحي ليا ونعيشوا مزيانين

• هزت عينيها كتشوف فيه باغا توصل لحل نهائي حيت معاه الحق هادي ماشي عيشة انهم يبقاو هكا طول العمر...

ليث ميل راسوا كانه كيترجاه : كنعتاذر مرة خرى
ندى تنهدت وهيا مبتاسمة ابتسامة خفيفة : اعتذارك مقبول
ليث وهوا كيضحك : واخيرا رضيتي علينا
ندى : اوا سكت دابا يتنادم معايا الحال

• خدم طموبيل غادي متوجه لدار وهوا كيهضر معاها...

ليث : فخبارك اول مرة ترجرني شي بنت لمرى هكا ديما انا لي كيجيو عندي وكنجرجرهم
ندى بتقة وتفاخر بنفسها : بصحتي وخاصك تعرف بلي انا ماشي بحالهم يعني متحاولش تلعب معايا
ليث شاف فيها وهوا مبتاسم : لا نتي بينة بلي راك خصم قوي وصعيب لعب معاك
ندى ضارت كتشوف فيه بجدية : شنو سبب لي خلاك تزوج بيا انا بذات
ليث : معرفتش صراحة ولكن لي متيقن منوا دابا ومتأكد منوا هوا انني كنبغيك
ندى : امم صافي

• طريق كلو وهوما كيهضروا حتا وصلوا لدار ونزلوا داخلين لدار...

ليث : فيا جوع
ندى : شنو نطيب ليك
ليث وهوا مصغر عينيه فيها وكيضحك : صارحة مكرهتش ناكلك نتي ولكن يله صوبي لي عجبك
ندى تمت غادة للكوزينة وهيا كضحك : انا نصوب ليك سباكيتي
ليث تبعها كيجري : اجي نصوبوها بجوج

• مشاو كيطيبوا ومني سلاو دار فيلم وبركوا كيتفرجوا فيه بجوج...

ندى وهيا متكية عليه : ناري بقا فيا صارحة
ليث : وراه غير فيلم
ندى : وخا هكا بقا فيا مسكين ما*تت وخلاوا راسوا
ليث هز راسه كيشوف ليها فعينها : وانا منبقاش فيك