عشقت تلميذتي الفاتنة

البارت 138

🥀🔥عـــشــقـــت تــلميـــذتـي الفـــاتنــــة🔥🥀

                     By : oumaima mariposa  

🥂الــــعــــشــــق... او ولــــوع فــــي الــــحــــب🥂

البــــارت : 138
• مشا لبيتوا بلا ميجوبها ولا يزيد معا شي كلمة... غير مشا رعد ومشات ندى بركت فوق طبلة وهيا كتشوف فلميمة...

لميمة مشات بركت حداها : عودي ليا اش طرى

• عودات ليها وكاع دكشي لي طرى ليها معا شخص لي تلاقات معاه وحتا تخوف تاعها...

لميمة : ودابا شنو لمعمول
ندى : غادة نتيق فيه ونمشي معاه مني يبغي يمشي حيت مزال عندوا شي حويج باغين يديروهم هنا غير يسالي وغادي يمشي ونمشي معاه
لميمة : وعنداك يأديك
ندى : لا مغاديش نمشي بوحدي حيت منقدرش دكشي علاش بغيتكم تمشيو معايا حيت انا دابا مكنتيق فحتا واحد منغيركم
لميمة قربت منها وعنقتها : دابا هدشي كلو يتحل انشاء الله ابنتي

• عند ليث لي سالا لخدمة ومشا برك حدا لبحر... طول هاد لمدة لبحر هوا لوحيد لي كيحسوا كيحس بيه انه كيفهموا... كان بارك فلوطوا تاعوا وكيفكر فيها كما العادة...

• عينيه ولاو حمرين من كترت دموع لي باغين ينزلوا ولكن جبروت ديالوا مانع  يخلي دموعوا ينزلوا...

ليث وهوا مزير على لڤولون وكيشوف فالبحر من زاج : اه اندى اه [تنهد بحسرة] علاش مشيتي علاش مشيتي وخليتيني

• هز يدو وضربها معا لفولون تاع طموبيل بحسرة... حط راسوا على لفولون ونزلت من عينوا دمعة حارة لي مدة طويلة وهوا حابسها... حيث بصح لا عينيه ولا ذاتوا عياو ميخبيوا الألم لي كين فالداخل تاعوا....

• دازت مدة وهوا على ديك الحال من بعد ناض وتحرك نيشان للقصر تاعوا لي ست سنين ما مشا ليه وصل بالوطوا تاعوا وقف شحال كيفكر واش يدخل ولا لا...

• بعد مدة من تفكير دخل بشوية لقصر لي مدة مجا ليه... بدون شعور داوه رجليه لطبلة او لكرسي لي كان كيبرك فيه وكيبركها قداموا... حط يديه بشوية على كل مكان فداك الكرسي وهوا كيتفكر كل لحظة معاها... من بعد توجه للغرفة لي كانت كتجمعهم بجوج..  كتجمع أرواحهم لي دابا مشات روحها وخلاتوا بوحدوا كيتعذب بلا روح... خلاتوا جسد بلاروح...

• تنهد وقرب لطابل دونوي ودوز صباعوا على لكرسي لي كانت كتبرك عليه... بقا على هاد لحال اي حاجة كيدوز من حداها كيتفكرها وكيتفكر شي حدث طرى تما ومن بعد مدة لي مكانتش قليلة خرج من لقصر متوجه للقصر تاع واليديه ودخل نيشان للغرفة تاعوا وتلاح باغي ينعس باش يحاول ينسا وميفكر فوالو...

• عند حنان لي صونات على اسماء فتلفون باغا تهضر معاها وتشوفها كيف بقات...

حنان : الو
اسماء : الو كديرة لباس عليك
حنان : حمد الله مالك معجبنيش صوتك واش مريضة
اسماء لي بدات تبكي بعدما سمعت ديك مالك : توحشتوا احنان
حنان لي نزلوا دموعها : كلنا توحشناه والله ولكن راه معندنا منديروا
اسماء مسحت دموعها لي مبغاوش يتحبسوا : تعطل عليا بزاف هوا مقالش بلي غادي يبقى سنين بلا ميسوني ويطمأنا عليه
حنان : معرفتش والله انا معرفتش حتا واش باقي عيش ولا لا
اسماء لي كتحس بقلبها تزير عليها : معرفتش والله انا غادة وكنكبر وباقا كنتسناه ولكن هوا تعطل عليا بزاف