عشقت تلميذتي الفاتنة

البارت 3

🥀🔥عـــشــقـــت تــلميـــذتـي الفـــاتنــــة🔥🥀

                    By : oumaima mariposa  

🥂الــــعــــشــــق... او ولــــوع فــــي الــــحــــب🥂

البــــارت : 3
سيف بعد منهم شوية... حط يدوا على لعيون تاع الام تاعوا وبدا كيمسح ليها فالدموع تاعها : متبقايش تبكي دموعك غالين
مريم بالتنهيدة : اولدي دابا تولدوا وتحسوا بيا
اسماء : راه حنا حاسيين بيك اماما وراه حنا غير مباغينكش تبقاي تفقصي
سيف : معاها الحق ودابا نساو هدشي وضحكوا

• بتاسمت ليه ورجعت عنقتهم وباست ليهم على راسهم...

       ~~~~ عند عائلة تاع بطلتنا ~~~~

• ليل طاح و الظلام حل كانت بطلتنا ناعسة فالبيت معا خوتها لي ناعسين جنبها... تكون تقريبا شي 03:00 ديال صباح حتا كيتسمع الباب ديال دار تخبط بجهد...

حميد كيغني بجهد وكيتمايل وكلماتوا ممقادينش نتيجة شراب لكثير لي شرب : روج فل--لمااالة شر---بييي و دوووش--- يي

• بقا كيغني ويتمايل حتا فيق فاطمة بغواتوا... ناضت فاطمة قافزة من صداع لي ولا فدار.... مشات لعندوا كتجري باش تسكتوا ليفيق دراري لي فلبيت ناعسين...

فاطمة بالغوات : وا حميد واش مزال مبغيتيش يعفو عليك الله من هدشي
حميد بتلعتم وتمايل : هاي هاا--دي نتي [هز راسوا لسقف وهوا كيضحك ورجع شافيها وهوا كيغوت] نتي علا---ش مرفضت---تيش قوليي... بسبابك كلشي بسبابك
فاطمة شدتوا من دراعوا كتحاول تخليه يتوازن : نعل شيطان ودوز تنعس راك غادي تفيق دراري اداك راجل

• خرجات ندى عندهم بعدما سدات لباب تاع لبيت بشوية باش ميفوقوش خوتها....

ندى قربت عندهم بعصبية : تاني نفس المشكيل كل نهار واش مبغيتيش يعفو عليك الله
حميد لي ووسط كل كلمة كيبغي يطيح : صباح الخير ابنتي... كدافعي عليها هيا هيا [بدا كينعت ففاطمة...] هيا سباب.... علاش مقبلاتش فلول
ندى بالغوات وعصبية : نتا لي ماشي راجل... ديك ساعة وقف قدام مك و قوليها هادشي ماشي تجي تال دابا عاد ترد ليها اللوم... [هزت صبعها فوجهوا...] سمع احميد راك عيقتي بزاف و الله واش نتا فين ما ضور ترجع لينا و تبدا تعير فينا و تضرب
حميد بتلعتم وهوا كيغوت عليهم بجوج : هايهاي و راك تعلمتي تهدري الكلبة... [طلعها ونزلها ] بحالك بحال مك تريكة وحدة
ندى : الكلبة هيا مك لي وحلتنا معاك و هيا ماتت وخلتنا واحلين معاك.... كون كنتي راجل كون وقفتي قدامها من لول ومتقبلش هاذ زواج
حميد هز يدوا حتال لفوق وصرفقها : راجل الكلبة و مرة خرى عرفي اش كتخرجي من فمك
فاطمة بالغوات : حميد لا [شافت فندى] ندى سيري دخلي للبيت

• حطات ندى يديها على حنكها ونزلت دمعة حارة من خدها وشافت فيه وعينيها ماليهم الكره والحقد عليه...

فاطمة : ندى قلت ليك دخلي يله راني هدرت
ندى و هيا كتبكي : عمرك تكون راجل و نتا حاكر على وليات
فاطمة و هيا كتشد فحميد باش ميقربش لبنتها :  راني قلت ليك سيري للبيت
حميد بالغوات : طلقيني الكلبة خليني نوريها واش راجل و لا لا

• دخلات للبيت وسداتوا وهيا كتبكي وكتحس بالحقرة... يوميا كيجيهم بهاد الحال عيات بزااف مبقاتش قادرة تصبر... كتشوف مها ديما فالعذاب معاه وخوتها لي باقين صغار ومعارفين مساكن والو...