عشقت تلميذتي الفاتنة

البارت 88

🥀🔥عـــشــقـــت تــلميـــذتـي الفـــاتنــــة🔥🥀

                     By : oumaima mariposa  

🥂الــــعــــشــــق... او ولــــوع فــــي الــــحــــب🥂

البــــارت : 88
• عند ندى لي كانت واقفة فالكوزينة كطيب حتا سمعت الباب كيدق...

ندى وهيا غادة باش تحل : شكون
ليث وهوا كيضحك من ورى لباب : حلي 

• حلات عليه الباب وباسها ودخل... سدات لباب وتبعاتوا...

ندى : واش مهزيتيش سوارت
ليث : عندي ولكن بغيتك تحلي عليا [بدا كيشمشم] اش هاذ ريحة الفنة

• دخلات للكوزينة وخلاتوا تابعها...

ندى : غير دجاج محمر كنطيب فيه
ليث : ولكن ياك انا قلت ليك رتاحي وراني نسيت باش نصوني على المساعدة باش تجي
ندى : معليش هانية
ليث عنقها من ضهرها وحط وجهوا على عنقها : نتي بنينة وماكلتك بنينة
ندى وهيا كتحرك : بعد عليا راه كتهرني وخليني نكمل وسير دوش ليك ليك راه دوش واجد
ليث تم غادي خارج : هاني غادي وجري عليا الآلة من داري

• مشا ليث دوش ولبس شورط ونزل لقاها حطات العشا... بركوا بجوج كيتعشاو ويهضروا ويضحكوا بجوج...

• بحال هكا دازوا يومين وليوم هوا نهار الخطبة تاع حنان لي تافقوا عليها...

• فالبيت عند حنان لي كانت واقفة كتشوف فالمرايا وهيا لابسة فقطان فالجوهرة فالغوز بيبي وندى واقفة وراها وهيا لابسة فقطان فنفس شكل غير هوا فالباج...

ندى وهيا كتشوف فيها ومبتاسمة : جيتي فنة
حنان ضارت عندها وهيا كتشوف فراسها : ياك جيت زوينة
ندى : تبارك الله فنة
حنان : حتا نتي جيتي زوينة... دابا نتي من عائلة العروس ولا لعريس
ندى وهيا كضحك : من عائلة العروسة الآلة

• بداو كيسمعوا اصوات ناس برى كيدخلوا...

حنان بتوتر : هاهوما جاو سمعتيهم
ندى : يله بركي هنا غادة نخرج عندهم
حنان : متعطليش عليا

• دخلو العائلة كاملة وكلسوا كيهضروا... شوية مشات ندى عند حنان ودخلات عندهم كانت هازة صينية... كان طيح سر عليها بتوتر والحشمة لي غالبة عليها... اما سي سيف محيدش عينوا عليها مني دخلت...

• كلاو لي قسم الله وطلب صخر يد حنان لولدوا سيف من عند باها وكان رد بالمواقفة... وتافقوا باش العرس غادي يكون من هنا لشهر... بعد ساعات وهوما بعضياتهم وصل الوقت باش يمشيو...

صخر : سيادنا الله يخلف عليكم خاصنا نمشيو دابا... وحنا راه دابا ولينا عائلة وحدة