عشقت تلميذتي الفاتنة

البارت 110

🥀🔥عـــشــقـــت تــلميـــذتـي الفـــاتنــــة🔥🥀

                     By : oumaima mariposa  

🥂الــــعــــشــــق... او ولــــوع فــــي الــــحــــب🥂

البــــارت : 110
• فهاد الوقيتى كانت حنان دخلت جابت شكارتها وخرجت وقفت حدا سيف...

سيف وهوا كيشوف فيها : يله نمشيو الى ساليتي
حنان : اه ساليت [شافت فسمية] يله بسلامة اماما هحنا غادين
سيف : يله الله يعون اخالتي 
سمية : الله يرضي عليكم

• خرجوا بجوجهم ومشاو ركبوا فلوطوا متواجهين للشي قهوة يفطروا فيها...

• عند ندى لي ليث من صباح وهوا كيفيق فيها وحلفت هيا لبغات تنوض...

ليث وهوا كيحرك فيها : وندى نوضي باركة من العكز
ندى غطات وجهها بالمخدة : نتا لي سهرتيني قلت ليك خاصني نعس ولكن مخليتينيش
ليث : وصافي نوضي راه بقينا فيقين غير حتال 3 مالنا سهرنا بزاف وصافي نوضي
ندى : امم دابا خليني عليك
ليث : نوضي راه يله دوشي وتلبسي راه غادي يفوت عليك الوقت
ندى : مبغيتش نوض
ليث قرب منها كيهر فيها : وصافي اخر مرة نسهروا يله نوضي
ندى ناضت قافزة من هرانوا : صافي حبس انا فقت
ليث يله نوضي دوشي ولبسي حويجك باش نهبطوا نفطروا
ندى وهيا كتحك فعينيها : اه وخا

• دخلت دوشات وخرحت لبست حويجها وهزات شكارتها ونزلات لعندوا باش يفطروا...

[بعد مدة ديال الأكل]

ندى حطت الملعقة : صافي شبعت مبقيتش باغا
ليث : مزال مكملتيش طبسيلك
ندى : وصافي راني شبعت انا مني كنت فدارنا راه كنت ديرة رجيم وكنت رقيقة وزوينة وشوف دابا كيف وليت غادة وكنغلاض حيث كتخليني ناكل بزاف
ليث وهوا كيشوف فيها : انا عاجباني كيما كنتي كي زوينة كي خيبة 
ندى : ولكن راه العرس قرب وانا مغاديش نقدر نلبس شي تكشيطة زوينة حيث غادي نكون غليضة
ليث : لي سمع هدرتك على الغلض يقول هادي معرت اش فيها
ندى : مغاديش نبقى نتكل بزاف حتا يدوز العرس وديك ساعة نرجع ناكل
ليث : لا طبعا كولي عادي ولهلا يدير بو هاد العرس على هوما غادين يتزوجوا وانا باغاني نق*تل مرتي بجوع
ندى وهيا كضحك : شي يتزوج شي يت*قتل
ليث : اوا كولي راه حنا مقادرين على مو*ت

• سلاو فطورهم من بعد طلعت ندى تجيب شكارة تاعها ومشات ركبت حداه ومشاو للمدرسة... وحتا حنان وسيف فطروا ومن بعد وصلها للمدرسة ومشا للشركة...