عشقت تلميذتي الفاتنة

البارت 135

🥀🔥عـــشــقـــت تــلميـــذتـي الفـــاتنــــة🔥🥀

                     By : oumaima mariposa  

🥂الــــعــــشــــق... او ولــــوع فــــي الــــحــــب🥂

البــــارت : 135
• مشات جابتوا ونزلوا بجوج... مشاو توجهوا لواحد لمطعم باش يتغذاو...

• عند أدهم لي كان وصل عند أسماء ومشا لبلاصة لي كيتكون فيها ديما...

أدهم برك حداها : سلام
اسماء عنقاتوا وهيا كتبكي : تعطلتي عليا
أدهم بادلها العناق : طريق كانت عامرة حيث دزت من لوطوروط باش نوصل دغيا ولكن كانت كسيدة وعطلتني
اسماء : اه وخا
أدهم بدا كيدوز يدوا على شعرها : خاصك تنسايه راه ست سنين دابا لي دازت مزال معرفتي عليه حتا خبار ممكن يكون كمل حياتوا ولقا شي وحدة خرى
اسماء زيرت على قميجتوا وهيا كتبكي : شوو عفاك سكت لا هوا ميمكنش يشوف فشي وحدة خرى ويخليني
أدهم شد ليها وجهها وهوا كيشوف فيها : راه هذاا هوا الواقع راه ممكن يكون ما*ت ممكن يكون كمل حياتوا ونساك ممكن بزاف تاع لحوايج يوقعوا واش دابا غادي تبقاي بانية حياتك على شي حاجة لي معرفاهاش واش غادة ترجع ولا لا فكملي حياتك وتزوجي راك خاصك تبني حياتك وتلقاي شي زوج وتولدي ولادك راك مبقيتيش صغيرة
اسماء لي دموعها ولاو شلال على وجهها : ولكن راه منقدرش نكون معا شيحد غيروا
أدهم : غادة تقدري انك تنسايه وتكملي حياتك... عرفتي شحال تاع بنادم كيخطبك وكترفديه وغير صحابي لي عرام كلهم رفضتيهم

• بعدت عليه وهيا كتشوف فالبحر... كتحس بلي حتا واحد مفاهمها مقادراش تنساه... كل لحظة كتخيلوا حداها فجنبها ومعاها... مكرهتش تسمع منوا غير كلمة تاع {تسنايني} لمرة خرى باش تزيد تصبر وتسناه حتا عمرها كلوا...

أدهم حط يدوا على يدها : نسايه أاسماء وكملي حياتك هكا راه كت*قتلي راسك غير بشوية
اسماء غطات وجهها بيديها ولدات تبكي وتشهق : معرفتش والله اصلا انا وليت كنحس براسي جسد بلا روح
أدهم عنقها : حاس بيك ولكن هذا ماشي حل باش انك تزيدي تسناي شخص لي ست سنين وهوا غابر بلا حتا خبار... [شد ليها وجهها وهوا كيشوف ليها فعينيها] فكري فهضرتي مزيان راك غادة وكتكبري وخاصك تولدي ولادك وخاصك تبني حياتك معا شي زوج ماشي نتي كتسناي فشخص لي معرفاهاش واش غادي يرجع ولا لا موهيم فكري فهضرتي مزيان
اسماء هزت راسها باه : اه وخا غادة نفكر
أدهم : يله نوضي نمشيو نتغذاو راه بينة بلي مزال مكليتيش
اسماء : اه مزال

• تمشاو على رجليهم حتا وصلوا لواحد لمطعم وبركوا يتغذاو فيه...