عشقت تلميذتي الفاتنة

البارت 42

🥀🔥عـــشــقـــت تــلميـــذتـي الفـــاتنــــة🔥🥀

                     By : oumaima mariposa  

🥂الــــعــــشــــق... او ولــــوع فــــي الــــحــــب🥂

البــــارت : 42
• شافت فيها ندى بشك وهيا متأكدة بلي حنان مخبية عليها... راهم عشرة سنين كتعرفها وتفهمها غير من عينيها...

ندى بشك : صافي غير هدشي لي طرى
حنان وهيا كدور فراسها بتوتر : اه غير هدشي علاش
ندى وهيا مصغرة فيها عينيها : منعرف
حنان جمعت الوقفة : انا غادة نعلمهم بلي راهم قراب يجيو
ندى : اه وخا

• مشات حنان عند سمية وفاطمة لي لقاتهم معمرين طبلة بألذ المأكولات... كانت محطوطة فطبلة شكال تاع الحلوة والقرقاع ولوز وزيت العود أملوا ولفرماج وشلا حويج ومنساوش لبلاطوا لي محطوط فيه براد تاع اتاي كبير ديال سمية ومضورين بيه الكيسان....

حنان شافت فيهم : راه شوية ويخرجوا من دار اخالتي
فاطمة : اه وخا
سمية بتعجب : وباش عرفتيها نتي
حنان بتوتر : اه اه... هضرت... هضرت معا اسماء وقالتها ليا
سمية بتصديق : امم وخا

• رجعت حنان للبيت عند ندى وخلاتهم يكملوا هوا طياب...

حنان دخلت وسدت لباب وهيا كتنهج : كانت غادة تحصلني
ندى بعدم فهم : علاش مالك
حنان : وراها سولتني شكون لي قاليا راه قراب يجيو
ندى وهيا مبتاسمة نصف ابتسامة : وشنو قلتي ليها
حنان : قلت ليها راه اسماء لي قالتها ليا
ندى بدات كضحك عليها : اوا لباس فكيتي راسك
حنان : ويه

• في قصر العمراني... كانت واقفة مريم فدروج وهيا كتغوت على اسماء لي كانت واقفة فراس تاع دروج كتقاد فالطالون تاعها...

مريم : اسماء يله سربي نزلي راه غادين يمشيو علينا ابنتي
اسماء وهيا نازلة كتجري : اه هنا هنا

• نزلت اسماء ومشات ركبت معا باباها وماماها اما سيف ركب فلوطو تاعوا وكذلك ليث ركب فلوطوا تاعوا وتحركوا متاجهين لدار ندى...

سيف وهوا دير سماعات بلوتوث : الو الحب
حنان : سلام واش قرابين
سيف : هحنا يله خرجنا من دار
حنان : يله الله يوصلكم على خير
سيف : امين يله باي الحب تاعي
حنان : باي

         ~~~~ بعد مدة تاع طريق ~~~~

• فدار ندى او بضبط فصالونهم كان بارك صخر ومريم وليث وسيف وحميد و فاطمة وسمية... اما اسماء مشات للبيت باش تجيب ندى معا حنان...

اسماء وهيا كتشوف فندى : يله اندى خرجي عندهم
حنان شدتها من يدها كتنوض فيها : يله نوضي
ندى بتوتر شدت فحنان : وخا يله