عشقت تلميذتي الفاتنة

البارت 21

🥀🔥عـــشــقـــت تــلميـــذتـي الفـــاتنــــة🔥🥀

                     By : oumaima mariposa  

🥂الــــعــــشــــق... او ولــــوع فــــي الــــحــــب🥂

البــــارت : 21
• عند ندى لي كانت باركة كتقاد فزينة ديال طبالي معا حنان وكيتحتوا....

حنان : وراه هدشي زوين صراحة
ندى : اه  زوين [حطت سربيتة من يدها وشافت فيها بعدما تنهدت] والله الى مكرهتش حتا انا شي خطبة بحال هادي
حنان : اوا الله يسهل علينا ويعطينا حسن من هادي كاع
ندى هزت سربيتة كتمسح وتقاد فطبلة : طماعة نتي

• كملو لبنات تزين طبالي و مشاوا عند البنات لي فالمطبخ و بداو كيستفوا معاهم فالحلوة...

• فبيت ليث كان واقف حدا المرايا بواحد سروال فالكحل و قميجة فالبيض مزيرة عليه و حال دوك جوج صدفات لي لفوق و بارك كيرش فالبارفان تاعوا...

سيف : ناري ليوم طيح البنات كاملين
ليث ضار شاف وهوا مبتاسم نصف بتسامة : اوا نتا مالك نسيتي راسك

• كان لابس بحالوا وحتا هوا لا يقل عنه جمال...

سيف : اوا راني عارف راسي زوين
ليث ضار كيشوف فلمرايا وهوا على وجهوا نصف إبتسامة : حاس براسك
سيف بتقة : اوا ضروري

              ~~~~ بعد مدة ~~~~

• كانت نازلة من دروج بواحد الكسوة فالباج وفيها زرق... كانت طويلة و مزيرة عليها شوية بلا كمام شادة غير فصدرها لي نوعا ما بين... وكانت دايرة مشطة جامعة بيها شعرها ذهبي لفوق... نازلة فدروج بكل تقة وتكبر فراسها حتا وضلت حدا ليث....

لاورا بتحلوين : حبيبي كيف جيتك [ ضارت بكل خفة كتوريه فراسها]
ليث طلعها ونزلها بتخنزيرة : اش هاذ الكسوة تاع زمر
لاورا بتحلوين : مالها احبيبي معجبتكش
ليث شدها من ضراعها مزير عليها وهوا كيورك على كلمة كيخرجها : واش كتسحبيني ديوتي لمك علاش لابسا بحال هكا [رجع طلعها ونزلها بتخنزرية] كلها معرية
لاورا بعصبية : انا عاجباني دكشي علاش لبستها

• بعد عليها وهوا كيستغفر الله فخاطروا مباغيش يدير شي شوهة معاها قدام ناس...

• كانت كتسارا مبين طبالي هازة بلاطوا فيه العصائر ولابسة زي الخادمات لي كان عبارة على كسوة حتال ركبة وطابلية بيضة معا قميحة فنفس لون وقبعة صغيرة ديراها على رأسها لي عاطيها جمالية ولابسة كعب فالكحل و كدور مبين ناس و كل واحد كتعطيه لي باغا حتا وقفتها حنان...

حنان : ندى شوفي هاري انا نفرق عليهم و سيري نتي شوفي مماك اش بغاتك راه قالت ليا نكلمك
ندى عطاتها لبلاطوا : اه اوا هاكي و شوفي سيري ليه هنا راه فرقت [نعتت ليها فين]
حنان : صافي وخا